2026 ലോകകപ്പിലെ തങ്ങളുടെ ആദ്യ മത്സരത്തിൽ മൊറോക്കോയെ നേരിടാനൊരുങ്ങുന്ന ബ്രസീൽ ടീമിന്റെ തയ്യാറെടുപ്പുകളെക്കുറിച്ച് പരിശീലകൻ കാർലോ ആഞ്ചലോട്ടി പ്രതികരിച്ചു.

“പന്ത് കൈവശം വെക്കുന്നത് കളിയുടെ പ്രധാനപ്പെട്ട ഭാഗമാണ്, പക്ഷേ അതല്ല ഏറ്റവും പ്രധാനം. കണക്കുകൾ പരിശോധിച്ചാൽ ഗോളുകൾ നേടുന്നതും വഴങ്ങുന്നതുമാണ് പ്രധാനം. പന്ത് നമ്മുടെ നിയന്ത്രണത്തിലായിരിക്കുമ്പോൾ കളി മെനയാനും, പന്ത് കൈവശമില്ലാത്തപ്പോൾ ആത്മവിശ്വാസത്തോടെ പ്രതിരോധിക്കാനുമാണ് ഞങ്ങൾ ലക്ഷ്യമിടുന്നത്,” ആഞ്ചലോട്ടി വ്യക്തമാക്കി.

“പന്ത് കൈവശമില്ലാത്ത സമയത്ത് ടീം ഒത്തൊരുമയോടെ കളിക്കേണ്ടതുണ്ട്. കാരണം മൊറോക്കോയെപ്പോലെയുള്ള കരുത്തരായ എതിരാളികൾക്ക് ഏത് നിമിഷവും മത്സരത്തിൽ വെല്ലുവിളികൾ സൃഷ്ടിക്കാൻ സാധിക്കും.”

“ആധുനിക ഫുട്ബോളിൽ സെറ്റ് പീസുകൾക്ക് വലിയ പ്രാധാന്യമുണ്ട്. ഏകദേശം 30 ശതമാനം ഗോളുകളും സെറ്റ് പീസുകളിൽ നിന്നാണ് പിറക്കുന്നത്. ഇത് മുതലെടുക്കാൻ ആവശ്യമായ മികച്ച കോർണർ ടേക്കർമാരും ഉയരത്തിൽ മികവ് കാട്ടുന്ന കളിക്കാരും നമ്മുടെ ടീമിലുണ്ട്.”

“കഴിഞ്ഞ കുറച്ചു ദിവസങ്ങളായി പരിശീലനത്തിൽ ഞങ്ങൾ ഈ കാര്യത്തിൽ പ്രത്യേക ശ്രദ്ധ കേന്ദ്രീകരിക്കുന്നുണ്ട്. വരാനിരിക്കുന്ന മത്സരങ്ങളിൽ ഇത് ഗുണം ചെയ്യുമെന്ന് ഞാൻ വിശ്വസിക്കുന്നു,” ആഞ്ചലോട്ടി കൂട്ടിച്ചേർത്തു.

ജൂൺ 14-നാണ് ബ്രസീലും മൊറോക്കോയും തമ്മിലുള്ള മത്സരം നടക്കുന്നത്.