വിക്ടർ മുനോസിനെ ടീമിലെത്തിക്കാനുള്ള ന്യൂകാസിൽ യുണൈറ്റഡിന്റെ നീക്കത്തെ മറികടന്ന് ലിവർപൂൾ താരത്തെ സ്വന്തമാക്കി. ഈ സമ്മർ ട്രാൻസ്ഫർ ജാലകത്തിൽ ലിവർപൂൾ നടത്തുന്ന ആദ്യ സൈനിങ്ങാണിത്.

ഒസാസുനയുടെ വിങ്ങറായ വിക്ടർ മുനോസിനെ ടീമിലെത്തിക്കാൻ ന്യൂകാസിൽ യുണൈറ്റഡ് നേരത്തെ തന്നെ ചർച്ചകൾ നടത്തിവരികയായിരുന്നു. എന്നാൽ, ഇതിനിടയിലാണ് ലിവർപൂൾ അപ്രതീക്ഷിതമായി രംഗത്തെത്തി താരത്തെ സ്വന്തമാക്കിയത്. പ്രമുഖ മാധ്യമപ്രവർത്തകൻ ഫാബ്രിസിയോ റൊമാനോയാണ് ഇക്കാര്യം റിപ്പോർട്ട് ചെയ്തത്.

“ലിവർപൂളിന്റെ ഈ അപ്രതീക്ഷിത നീക്കത്തിന് പിന്നിൽ 40 മില്യൺ യൂറോയുടെ കരാറാണുള്ളത്. താരത്തിന്റെ റിലീസ് ക്ലോസ് ലിവർപൂൾ ആക്ടിവേറ്റ് ചെയ്തു. ഇതിനകം തന്നെ അമേരിക്കയിൽ വെച്ച് മുനോസിന്റെ മെഡിക്കൽ പരിശോധനകൾ പൂർത്തിയായിക്കഴിഞ്ഞു.”

“ഇക്കാര്യത്തിലുള്ള ഔദ്യോഗിക പ്രഖ്യാപനം ഈ ആഴ്ച തന്നെ ഉണ്ടാകും. ട്രാൻസ്ഫർ ഹൈജാക്കിന് പിന്നാലെ റയൽ മാഡ്രിഡിന് 20 മില്യൺ യൂറോ ലഭിക്കുമെന്നതും വലിയൊരു പ്രത്യേകതയാണ്.”