25 വയസ്സുകാരനായ ഈ സ്ട്രൈക്കർ കഴിഞ്ഞ സീസണിൽ ബയേൺ മ്യൂണിക്കിൽ ലോൺ അടിസ്ഥാനത്തിലാണ് കളിച്ചത്. അവിടെ സ്ഥിരമായി പ്ലെയിങ് ഇലവനിൽ ഇടം ലഭിച്ചില്ലെങ്കിലും ബുണ്ടസ്ലിഗ കിരീടം നേടാൻ താരത്തിന് കഴിഞ്ഞു. എന്നാൽ ജാക്‌സണെ സ്ഥിരമായി ടീമിലെടുക്കേണ്ടതില്ലെന്ന് ജർമ്മൻ ക്ലബ് തീരുമാനിച്ചതോടെ താരം ചെൽസിയിലേക്ക് മടങ്ങുകയായിരുന്നു.

നിലവിൽ ലണ്ടനിൽ തിരിച്ചെത്തിയ ജാക്‌സണെ സ്വന്തമാക്കാൻ താല്പര്യമുള്ള ക്ലബ്ബുകളുടെ പട്ടികയിൽ എസി മിലാനും ഉൾപ്പെടുന്നു.

ചെൽസിയുമായി അനുയോജ്യമായ ഒരു കരാർ രൂപപ്പെടുത്തുക എന്നതായിരിക്കും മിലാന്റെ പ്രധാന വെല്ലുവിളി. പണം നൽകിയുള്ള ലോൺ കരാർ, പിന്നീട് വാങ്ങാനുള്ള അവസരം (ഓപ്ഷൻ ടു ബൈ), അല്ലെങ്കിൽ പ്രകടനത്തെ അടിസ്ഥാനമാക്കിയുള്ള ലോൺ കരാർ എന്നിവയെക്കുറിച്ചാണ് ക്ലബ് ആലോചിക്കുന്നത്.

ജർമ്മനിയിലെ ലോൺ കാലയളവിൽ ബുണ്ടസ്ലിഗയിൽ എട്ട് ഗോളുകളും ചാമ്പ്യൻസ് ലീഗിൽ മൂന്ന് ഗോളുകളും ജാക്‌സൺ നേടിയിട്ടുണ്ട്. കൂടാതെ വിവിധ മത്സരങ്ങളിലായി മൂന്ന് അസിസ്റ്റുകളും താരം സ്വന്തം പേരിൽ കുറിച്ചു.