പിഎസ്ജി പ്രതിരോധ താരവും മൊറോക്കോ ദേശീയ ടീം ക്യാപ്റ്റനുമായ അഷ്റഫ് ഹക്കിമി ബലാത്സംഗ ആരോപണവുമായി ബന്ധപ്പെട്ട ക്രിമിനൽ വിചാരണ നടപടിക്കെതിരെ ഫ്രാൻസിലെ കോർട്ട് ഓഫ് കസേഷനിൽ അപ്പീൽ നൽകി. ലെ പാരിസിയൻ ആണ് ഇക്കാര്യം റിപ്പോർട്ട് ചെയ്തത്.

വെർസൈൽസ് കോർട്ട് ഓഫ് അപ്പീൽ കീഴ്ക്കോടതി വിധി ശരിവെച്ചതിനെത്തുടർന്നാണ് ഹക്കിമി നിയമനടപടികളിലേക്ക് നീങ്ങിയത്. 2023 ഫെബ്രുവരിയിൽ താരത്തിന്റെ വസതിയിൽ വെച്ചുണ്ടായ സംഭവത്തിൽ മതിയായ തെളിവുകൾ ഉണ്ടെന്ന് അന്വേഷണ സംഘം കണ്ടെത്തിയതായി കോടതി സ്ഥിരീകരിച്ചിരുന്നു.

തനിക്കെതിരെയുള്ള എല്ലാ ആരോപണങ്ങളും ഹക്കിമി നിഷേധിച്ചു. താൻ നിരപരാധിയാണെന്ന് തെളിയിക്കാൻ കോടതി വിചാരണയ്ക്കായി കാത്തിരിക്കുകയാണെന്ന് അദ്ദേഹം സമൂഹമാധ്യമങ്ങളിലൂടെ നേരത്തെ വ്യക്തമാക്കിയിരുന്നു.

നിലവിൽ 2026 ഫിഫ ലോകകപ്പിൽ മൊറോക്കോയുടെ ‘അറ്റ്ലസ് ലയൺസ്’ ടീമിനെ നയിക്കുകയാണ് ഹക്കിമി. നോക്കൗട്ട് ഘട്ടത്തിൽ ടീമിനൊപ്പം അദ്ദേഹം മത്സരിച്ചു കൊണ്ടിരിക്കെയാണ് ഈ നിയമപോരാട്ടം നടക്കുന്നത്.