അത്‌ലറ്റികോ മാഡ്രിഡ് സ്‌ട്രൈക്കർ ജൂലിയൻ അൽവാരസ് ബാഴ്‌സലോണയ്ക്ക് അനുയോജ്യമായ ഒരു സൈനിംഗായിരിക്കുമെന്ന് മുൻ അർജന്റീനൻ താരം സെർജിയോ അഗ്യൂറോ അഭിപ്രായപ്പെട്ടു.

“ഇന്നത്തെ കാലത്ത് ഏതൊരു ടീമിനും ജൂലിയൻ മികച്ചൊരു സൈനിംഗായിരിക്കും,” അഗ്യൂറോ പറഞ്ഞു.

“ബാഴ്‌സയെ സംബന്ധിച്ചിടത്തോളം, കാര്യങ്ങൾ താരത്തിന് എത്രത്തോളം സൗകര്യപ്രദമാകുമെന്നതിനെ ആശ്രയിച്ചിരിക്കും അത്. ഇതിൽ താരത്തിന്റെയും ക്ലബ്ബിന്റെയും ഭാഗങ്ങളുണ്ട്. കാര്യങ്ങൾ നല്ല രീതിയിൽ നടക്കുകയാണെങ്കിൽ, ഭാവിയിൽ അദ്ദേഹം ചാമ്പ്യൻസ് ലീഗ് ജേതാവാകും.”

“അവിടെ ഒരു താരത്തിന് കാര്യങ്ങൾ വളരെ പ്രയാസകരവും സങ്കീർണ്ണവുമാണ്.”

“എന്നാൽ ബാഴ്‌സ അദ്ദേഹത്തെ പരിഗണിക്കുന്നുണ്ടെങ്കിൽ, അദ്ദേഹം മികച്ച ഫോമിലാണെങ്കിൽ അൽവാരസ് ടീമിന് കൃത്യമായി യോജിക്കും. ഫുട്ബോളിനെ അങ്ങേയറ്റം സ്നേഹിക്കുന്ന അദ്ദേഹത്തിന് പല സ്‌ട്രൈക്കർമാർക്കും ഇല്ലാത്ത ഒരു പ്രത്യേകതയുണ്ട്; പ്രതിരോധത്തിലും സജീവമായി ഇടപെടാനുള്ള കഴിവ്. ജൂലിയൻ വളരെ പൂർണ്ണനായൊരു കളിക്കാരനാണ്.”