മുൻഡോ ഡിപോർട്ടീവോയുടെ റിപ്പോർട്ടുകൾ പ്രകാരം, ബാഴ്‌സലോണയുടെ ഗോൾകീപ്പർ മാർക്ക്-ആന്ദ്രേ ടെർ സ്റ്റെഗനെ ടീമിലെത്തിക്കാൻ ഡച്ച് ക്ലബ്ബായ അയാക്സ് ആംസ്റ്റർഡാം താൽപ്പര്യം പ്രകടിപ്പിച്ചു.

മുപ്പത്തിനാലുകാരനായ ഈ ജർമ്മൻ താരം നിലവിൽ പരിശീലകൻ ഹാൻസി ഫ്ലിക്കിന്റെ പദ്ധതികളിൽ ഉൾപ്പെടുന്നില്ല. അദ്ദേഹത്തെ ഫസ്റ്റ് ചോയ്സ് ഗോൾകീപ്പറായാോ ബാക്കപ്പ് താരമായാോ പരിശീലകൻ പരിഗണിക്കുന്നില്ല.

അയാക്സിന്റെ പുതിയ സ്പാനിഷ് പരിശീലകനായ മിച്ചൽ, ജിറോണയിൽ വെച്ച് ഈ ഗോൾകീപ്പറുമായി ചേർന്ന് പ്രവർത്തിച്ചിട്ടുണ്ട്. ടെർ സ്റ്റെഗന്റെ മികച്ച നേതൃപാടവത്തിൽ മിച്ചലിന് വലിയ മതിപ്പാണുള്ളത്.

താരം ലോൺ അടിസ്ഥാനത്തിൽ ക്ലബ്ബിലേക്ക് എത്തുമെന്ന് നെതർലാൻഡിലെ മാധ്യമങ്ങൾ റിപ്പോർട്ട് ചെയ്യുന്നുണ്ടെങ്കിലും, അയാക്സ് ഔദ്യോഗികമായി ഇതുവരെ ഓഫറൊന്നും നൽകിയിട്ടില്ലെന്നാണ് സൂചന.

ഫിനാൻഷ്യൽ ഫെയർ പ്ലേ ചട്ടങ്ങൾ പാലിച്ച് ക്ലബ്ബിന്റെ സാമ്പത്തിക ബാധ്യത കുറയ്ക്കുന്നതിനായി താരത്തിന്റെ ഉയർന്ന ശമ്പളം ഒഴിവാക്കാനുള്ള വഴികളാണ് ബാഴ്‌സലോണ ഇപ്പോൾ തേടുന്നത്.