മാഞ്ചസ്റ്റർ യുണൈറ്റഡിനെതിരായ നിർണ്ണായകമായ പ്രീമിയർ ലീഗ് മത്സരത്തിൽ നിന്ന് ലിവർപൂൾ താരം അലക്സാണ്ടർ ഐസക് പുറത്ത്. ഗ്രോയിൻ ഇഞ്ചുറി (ഇടുപ്പിന് താഴെയായി പേശികൾക്കുണ്ടാകുന്ന പരിക്ക്) കാരണമാണ് താരത്തിന് മത്സരത്തിൽ പങ്കെടുക്കാൻ കഴിയാത്തത്.

പരിശീലനത്തിനിടെയാണ് സ്വീഡിഷ് സ്ട്രൈക്കറായ ഐസക്കിന് പരിക്കേറ്റത്. ഈ പ്രധാന മത്സരത്തിന് മുന്നോടിയായി ലിവർപൂളിന്റെ ആക്രമണ നിരയ്ക്ക് ഇത് വലിയ തിരിച്ചടിയാണ്.

ലിവർപൂൾ ഹെഡ് കോച്ച് ആർനെ സ്ലോട്ട് മത്സരത്തിന് മുന്നോടിയായി ഈ വിഷയം സ്ഥിരീകരിച്ചു: “ക്രിസ്റ്റൽ പാലസിനെതിരായ വിജയത്തിന് ശേഷം, ഈ ആഴ്ച മോ സലാഹിനെ ലഭ്യമാകില്ലെന്ന് ഞങ്ങൾക്കറിയാമായിരുന്നു. അതിന് പിന്നാലെയാണ് പരിശീലനത്തിനിടെ അലക്സിനെയും ടീമിന് നഷ്ടമായത്.”

“ഇതൊരു പുതിയ കാര്യമല്ല. ആഴ്സണലിനെതിരായ എവേ മത്സരത്തിൽ ഞങ്ങളുടെ രണ്ട് നമ്പർ 9 കളിക്കാരും ലഭ്യമായിരുന്നില്ല. എന്നിട്ടും മികച്ചൊരു മത്സരം കാഴ്ചവെക്കാൻ ഞങ്ങൾക്ക് സാധിച്ചു.”

“അതുകൊണ്ട്, സാഹചര്യം അംഗീകരിക്കുകയേ നിവൃത്തിയുള്ളൂ. അലക്സിന് ചെറിയൊരു പരിക്കേറ്റതിൽ തീർച്ചയായും സങ്കടമുണ്ട്. പരിക്ക് വളരെ ചെറുതാണെങ്കിലും ഈ മത്സരം കളിക്കാൻ അത് തടസ്സമായി,” ആർനെ സ്ലോട്ട് കൂട്ടിച്ചേർത്തു.