പ്രശസ്ത ഇറ്റാലിയൻ ഫുട്ബോൾ ട്രാൻസ്ഫർ വിദഗ്ധൻ ഫാബ്രിസിയോ റൊമാനോയുടെ റിപ്പോർട്ട് പ്രകാരം, ഫ്ലമെംഗോയുടെ മുൻ പരിശീലകൻ ഫിലിപ്പെ ലൂയിസിനെ എഎസ് മൊണാക്കോ തങ്ങളുടെ പുതിയ ഹെഡ് കോച്ചായി നിയമിച്ചു. ഇവർ തമ്മിൽ ധാരണയിലെത്തിയതായി അദ്ദേഹം സ്ഥിരീകരിച്ചു.

ലീഗ് 1-ൽ നിരാശാജനകമായ പ്രകടനമായിരുന്നു മൊണാക്കോ കാഴ്ചവെച്ചത്. സീസണിൽ ഏഴാം സ്ഥാനത്ത് ഫിനിഷ് ചെയ്ത മൊണാക്കോയ്ക്ക് ചാമ്പ്യൻസ് ലീഗ് യോഗ്യതയും നഷ്ടമായിരുന്നു. ഇതിന് പിന്നാലെയാണ് സെബാസ്റ്റ്യൻ പോക്കോഗ്നോളോയുമായുള്ള കരാർ അവസാനിപ്പിക്കാൻ ക്ലബ് തീരുമാനിച്ചത്.

ബയർ ലെവർകൂസനുമായി ഫിലിപ്പെ ലൂയിസിന്റെ പേര് നേരത്തെ ഉയർന്നു വന്നിരുന്നെങ്കിലും, മൊണാക്കോയിലേക്കുള്ള മാറ്റത്തിന് അദ്ദേഹം പച്ചക്കൊടി കാട്ടുകയായിരുന്നു.

ഫ്ലമെംഗോയിൽ രണ്ട് വർഷം നീണ്ട വിജയകരമായ പരിശീലന കാലയളവിന് ശേഷം മാർച്ച് മാസത്തിലാണ് 40-കാരനായ ബ്രസീലിയൻ പരിശീലകൻ പുറത്തായത്. ഈ പ്രകടനങ്ങൾ തന്നെയാണ് അദ്ദേഹത്തെ ഫുട്ബോൾ ലോകത്ത് കൂടുതൽ ശ്രദ്ധേയനാക്കിയത്.