റാഫേൽ ലിയാവോയെ സൈൻ ചെയ്യാൻ ബാഴ്സലോണയ്ക്ക് താല്പര്യമില്ലെന്ന് റിപ്പോർട്ട്
എസി മിലാൻ വിടാനുള്ള തീരുമാനമെടുത്ത പോർച്ചുഗീസ് താരം റാഫേൽ ലിയാവോയെ സ്വന്തമാക്കാൻ ബാഴ്സലോണയ്ക്ക് ഗൗരവമായ താല്പര്യമില്ലെന്ന് ഫാബ്രിസിയോ റൊമാനോ റിപ്പോർട്ട് ചെയ്യുന്നു.
ഈ വേനൽക്കാല ട്രാൻസ്ഫർ വിപണിയിൽ ലിയാവോ ലഭ്യമാണെങ്കിലും, താരത്തെ ടീമിലെത്തിക്കാൻ ബാഴ്സലോണ ഇതുവരെ നടപടികളൊന്നും സ്വീകരിച്ചിട്ടില്ല.
ബാഴ്സലോണയ്ക്കായി 120 ഗോളുകൾ നേടിയ റോബർട്ട് ലെവൻഡോവ്സ്കി ക്ലബ് വിട്ടതോടെ പുതിയൊരു സ്ട്രൈക്കറെ കണ്ടെത്തേണ്ടത് ക്ലബിന് അത്യന്താപേക്ഷിതമാണ്. എന്നിട്ടും ഈ നീക്കത്തിൽ നിന്ന് ബാഴ്സ വിട്ടുനിൽക്കുകയാണ്.
ലിയാവോയുടെ ഏജന്റ് ജോർജ് മെൻഡസിന് ക്ലബ് പ്രസിഡന്റ് ജോവാൻ ലാപോർട്ടയുമായി മികച്ച ബന്ധമുണ്ടെങ്കിലും, താരത്തിന്റെ നിലവിലെ ശൈലി ബാഴ്സലോണയുടെ സിസ്റ്റത്തിന് അനുയോജ്യമല്ലെന്നാണ് വിലയിരുത്തൽ.
ലെവൻഡോവ്സ്കിക്ക് പകരക്കാരനെ കണ്ടെത്തുന്നതിനൊപ്പം മാഞ്ചസ്റ്റർ സിറ്റിയുടെ പ്ലേമേക്കർ ബെർണാഡോ സിൽവയെ ടീമിലെത്തിക്കാനാണ് ബാഴ്സലോണയുടെ ഈ സമ്മർ ട്രാൻസ്ഫർ നീക്കങ്ങൾ.