റയൽ മാഡ്രിഡ് പ്രസിഡന്റിനെതിരെ നിയമനടപടിയുമായി ബാഴ്സലോണ
റയൽ മാഡ്രിഡ് പ്രസിഡന്റ് ഫ്ലോറന്റീനോ പെരെസിനെതിരെ മാനനഷ്ടക്കേസ് ഫയൽ ചെയ്യുന്നതായി എഫ്സി ബാഴ്സലോണ ഔദ്യോഗികമായി അറിയിച്ചു. തെറ്റായ ആരോപണങ്ങൾ ഉന്നയിച്ചുവെന്ന് ചൂണ്ടിക്കാട്ടിയാണ് ബാഴ്സലോണയുടെ ഈ നടപടി.
റയൽ മാഡ്രിഡ് പ്രസിഡന്റ് ഫ്ലോറന്റീനോ പെരെസിനെതിരെ മാനനഷ്ടക്കേസ് ഫയൽ ചെയ്യുന്നതായി എഫ്സി ബാഴ്സലോണ ഔദ്യോഗികമായി അറിയിച്ചു.
ബാഴ്സലോണ പുറത്തിറക്കിയ പ്രസ്താവനയിൽ ഇക്കാര്യം വ്യക്തമാക്കുന്നു: “മേയ് 12-ന് നടന്ന പത്രസമ്മേളനത്തിലും പിറ്റേദിവസം മാധ്യമങ്ങൾക്ക് നൽകിയ അഭിമുഖത്തിലും റയൽ മാഡ്രിഡ് പ്രസിഡന്റ് ഫ്ലോറന്റീനോ പെരസ് നടത്തിയ പരാമർശങ്ങളുടെ അടിസ്ഥാനത്തിൽ, പീനൽ കോഡ് ആർട്ടിക്കിൾ 205 പ്രകാരം മാനനഷ്ടത്തിന് കേസെടുക്കുന്നതിന് മുൻപുള്ള നിർബന്ധിത അനുരഞ്ജന അഭ്യർത്ഥന എഫ്സി ബാഴ്സലോണ ഇന്ന് സമർപ്പിച്ചു.”
“ക്ലബ്ബിന്റെ പ്രതിച്ഛായയെയും പ്രശസ്തിയെയും ബാധിക്കുന്ന തരത്തിൽ തെറ്റാണെന്ന് അറിഞ്ഞുകൊണ്ട് പെരസ് നടത്തിയ ചില പരാമർശങ്ങൾ തിരുത്തിക്കുക എന്നതാണ് ഈ നിയമനടപടിയുടെ ലക്ഷ്യം.”
“ഈ ആവശ്യം പരിഗണിക്കാത്ത പക്ഷം, എഫ്സി ബാഴ്സലോണ ക്രിമിനൽ പരാതിയുമായി മുന്നോട്ട് പോകും.”
നെഗ്രീറ വിവാദവുമായി ബന്ധപ്പെട്ട് റഫറിമാർക്ക് ബാഴ്സലോണ കൈക്കൂലി നൽകിയെന്ന് പെരസ് തന്റെ പ്രസിഡൻഷ്യൽ പ്രചാരണത്തിനിടെ ആരോപിച്ചിരുന്നു. ഇതിന് പിന്നാലെയാണ് ഈ നടപടി.