ബാഴ്‌സലോണയുടെ നോട്ടപ്പുള്ളി ജോർജ് സാലിനാസ്; ട്രാൻസ്ഫർ തുക 16 ദശലക്ഷം യൂറോ എന്ന് റിപ്പോർട്ട്

ഡയറിയോ എഎസ് റിപ്പോർട്ട് പ്രകാരം, റയസിങ് സാന്റാൻഡറിന്റെ മികച്ച ലെഫ്റ്റ്-ബാക്ക് താരമായ ഹോർഹെ സലിനാസ് ഈ സമ്മറിൽ ക്ലബ്ബിന്റെ റെക്കോർഡ് തുകയ്ക്ക് കൈമാറ്റം ചെയ്യപ്പെടാൻ സാധ്യതയുണ്ട്. 16 ദശലക്ഷം യൂറോയാണ് താരത്തിന്റെ റിലീസ് ക്ലോസ് ആയി നിശ്ചയിച്ചിരിക്കുന്നത്.

കഴിഞ്ഞ സീസണിൽ സെഗുണ്ട ഡിവിഷനിൽ റയസിങ്ങിനായി പുറത്തെടുത്ത മികച്ച പ്രകടനം യൂറോപ്പിലെ മുൻനിര ക്ലബ്ബുകളുടെ ശ്രദ്ധ ആകർഷിച്ചിരിക്കുകയാണ്. 19 വയസ്സുകാരനായ ഈ സ്പാനിഷ് താരത്തിന്റെ കളിയിലാണ് ക്ലബ്ബുകൾ താല്പര്യം പ്രകടിപ്പിക്കുന്നത്.

കഴിഞ്ഞ സീസണിൽ 34 മത്സരങ്ങളിൽ നിന്ന് ഏഴ് അസിസ്റ്റുകൾ നേടിയ സലിനാസ്, റയസിങ്ങിനെ രണ്ടാം ഡിവിഷൻ കിരീടത്തിലേക്ക് നയിക്കുന്നതിൽ നിർണ്ണായക പങ്കുവഹിച്ചു. ഇതോടെ ടീം ലാലിഗയിലേക്ക് പ്രൊമോഷൻ നേടുകയും ചെയ്തു.

ബാഴ്‌സലോണയും അത്ലറ്റിക്കോ മാഡ്രിഡും സലിനാസിനെ സ്വന്തമാക്കാൻ രംഗത്തുണ്ട്. ഇവർക്ക് പുറമെ ബയർ ലെവർകൂസൻ, പിഎസ്ജി, ഐൻട്രാക്റ്റ് ഫ്രാങ്ക്ഫർട്ട്, പോർട്ടോ, ന്യൂകാസിൽ യുണൈറ്റഡ്, ബൊളോണിയ എന്നീ ക്ലബ്ബുകളും താരത്തിനായി താല്പര്യം പ്രകടിപ്പിച്ചിട്ടുണ്ട്.

സ്പെയിനിന്റെ അണ്ടർ-19 ടീമിന് വേണ്ടി അഞ്ച് മത്സരങ്ങൾ കളിച്ച സലിനാസ് ഇതിനകം രണ്ട് ഗോളുകൾ നേടിയിട്ടുണ്ട്.