2026/27 സീസണിന് മുന്നോടിയായുള്ള തങ്ങളുടെ ആദ്യ സൗഹൃദ ഫുട്ബോൾ മത്സരത്തിന്റെ തീയതി ബാഴ്‌സലോണ ഔദ്യോഗികമായി പ്രഖ്യാപിച്ചു.

ഹാൻസി ഫ്ലിക്കിന്റെ നേതൃത്വത്തിലുള്ള ബാഴ്‌സലോണ സംഘം ഇംഗ്ലീഷ് ക്ലബ്ബായ ബർമിംഗ്ഹാം സിറ്റിക്കെതിരെയാണ് ഏറ്റുമുട്ടുന്നത്. ജൂലൈ 31 വെള്ളിയാഴ്ച പ്രാദേശിക സമയം വൈകുന്നേരം 7:45-നാണ് മത്സരം നടക്കുക.

29,409 പേർക്ക് ഇരിക്കാൻ സൗകര്യമുള്ള സെന്റ് ആൻഡ്രൂസ് @ നൈറ്റ്ഹെഡ് പാർക്ക് സ്റ്റേഡിയത്തിലാണ് ഈ മത്സരം നടക്കുന്നത്.

ഇംഗ്ലണ്ടിലെ സെന്റ് ജോർജ് പാർക്കിൽ വെച്ച് നടക്കുന്ന ഒരാഴ്ച നീണ്ടുനിൽക്കുന്ന സമ്മർ പരിശീലന ക്യാമ്പിന്റെ ഭാഗമായാണ് ബാഴ്‌സലോണ ഈ മത്സരത്തിൽ കളിക്കുന്നത്.

കഴിഞ്ഞ സീസണിൽ ഇംഗ്ലീഷ് ഫുട്ബോളിലെ രണ്ടാം ഡിവിഷനായ ചാമ്പ്യൻഷിപ്പിൽ പത്താം സ്ഥാനത്താണ് ബർമിംഗ്ഹാം സിറ്റി ഫിനിഷ് ചെയ്തത്.