പിഎസ്‌വി ഐൻഡ്‌ഹോവന്റെ അറ്റാക്കിംഗ് മിഡ്‌ഫീൽഡർ ഇസ്മായിൽ സൈബാരിയെ സ്വന്തമാക്കാൻ ബയേൺ മ്യൂണിക്ക് അന്തിമഘട്ട ചർച്ചകളിലെന്ന് മാധ്യമപ്രവർത്തകൻ നിക്കോളോ ഷിറ റിപ്പോർട്ട് ചെയ്യുന്നു.

ലെഫ്റ്റ് വിങ്ങറായും കളിക്കാൻ കഴിയുന്ന 25 വയസ്സുള്ള ഈ മൊറോക്കൻ താരം, ബയേൺ മ്യൂണിക്കുമായി 2031 വരെ നീളുന്ന അഞ്ച് വർഷത്തെ കരാറിൽ ഒപ്പുവെക്കും.

ഈ താരത്തെ സൈൻ ചെയ്യുന്നതിനായി പ്രീമിയർ ലീഗിലെ രണ്ട് ക്ലബ്ബുകളെ മറികടന്നാണ് ബയേൺ മുന്നേറിയതെന്നും റിപ്പോർട്ടുകൾ വ്യക്തമാക്കുന്നു.

കഴിഞ്ഞ സീസണിൽ എല്ലാ ടൂർണമെന്റുകളിലുമായി സൈബാരി 19 ഗോളുകളും ഏഴ് അസിസ്റ്റുകളും നേടിയിട്ടുണ്ട്.

ഈ മാസം നടക്കുന്ന 2026 ലോകകപ്പിൽ താരം അറ്റ്‌ലസ് ലയൺസിനെ പ്രതിനിധീകരിക്കും.

തന്റെ അന്താരാഷ്ട്ര കരിയറിൽ ഇതുവരെ 29 മത്സരങ്ങൾ കളിച്ച സൈബാരി മൊറോക്കയ്ക്കായി ഒമ്പത് ഗോളുകളും നേടിയിട്ടുണ്ട്.