സാദോക് യോഹന്നയെ സ്വന്തമാക്കി ബ്രൈട്ടൻ; കരാർ അഞ്ചു വർഷത്തേക്ക്

സ്വീഡിഷ് ക്ലബ്ബ് എഐകെയിൽ (AIK) നിന്ന് വിങ്ങർ സാദോക് യോഹന്നയെ ടീമിലെത്തിച്ചതായി ബ്രൈറ്റൺ സ്ഥിരീകരിച്ചു.

പതിനെട്ടു വയസ്സുള്ള നൈജീരിയൻ ഫോർവേഡ് പുതിയ ക്ലബ്ബുമായി അഞ്ചു വർഷത്തെ കരാറാണ് ഒപ്പുവെച്ചത്. ബോണസ് തുക ഉൾപ്പെടെ മൊത്തം 25 ദശലക്ഷം യൂറോ നൽകാൻ ബ്രൈറ്റൺ ധാരണയിലെത്തിയതായി നേരത്തെ റിപ്പോർട്ടുകൾ ഉണ്ടായിരുന്നു.

“ഞാൻ പ്രീമിയർ ലീഗ് മത്സരങ്ങൾ ധാരാളമായി കാണാറുണ്ട്. അതിനാൽ യുവതാരങ്ങൾക്ക് അവസരം നൽകുന്ന ടീമുകളെക്കുറിച്ച് എനിക്ക് അറിവുണ്ട്, ബ്രൈറ്റൺ അത്തരമൊരു ക്ലബ്ബാണ്,” ട്രാൻസ്ഫറിന് ശേഷമുള്ള ആദ്യ പ്രതികരണത്തിൽ യോഹന്ന പറഞ്ഞു.

“യുവപ്രതിഭകളെ വളർത്തിയെടുക്കുന്നതിൽ അവർ മികച്ചതാണ്. അവരുടെ കളിശൈലി എനിക്ക് നന്നായി ഇണങ്ങുമെന്ന് ഞാൻ വിശ്വസിക്കുന്നു.”