ഫുട്ബോളിന്റെ ഏറ്റവും മനോഹരമായ കാഴ്ചകളിലൊന്നായാണ് കഴിഞ്ഞ ചാമ്പ്യൻസ് ലീഗിൽ പി.എസ്.ജിക്കെതിരായ ലിവർപൂളിന്റെ മത്സരത്തെ ആർനെ സ്ലോട്ട് ഓർക്കുന്നത്.
അന്ന് പ്രീക്വാർട്ടറിൽ പെനാൽറ്റി ഷൂട്ടൗട്ടിലൂടെ ലിവർപൂൾ പുറത്തായെങ്കിലും, തന്റെ പരിശീലക ജീവിതത്തിലെ ഏറ്റവും മികച്ച മത്സരമായാണ് സ്ലോട്ട് അതിനെ ഇപ്പോഴും കാണുന്നത്.
ഏകദേശം ഒരു വർഷത്തിന് ശേഷം ഇരുവരും വീണ്ടും ഏറ്റുമുട്ടുമ്പോൾ ലിവർപൂളും സ്ലോട്ടും തീർത്തും വ്യത്യസ്തമായ സാഹചര്യത്തിലൂടെയാണ് കടന്നുപോകുന്നത്.
ബുധനാഴ്ച പാരീസിൽ വെച്ച് നടക്കുന്ന ചാമ്പ്യൻസ് ലീഗ് ക്വാർട്ടർ ഫൈനൽ ആദ്യ പാദ മത്സരത്തിന് മുന്നോടിയായി, തന്റെ ജോലി നിലനിർത്താനുള്ള സമ്മർദ്ദത്തിലാണ് ഡച്ച് പരിശീലകനായ സ്ലോട്ട്.
കഴിഞ്ഞ ശനിയാഴ്ച എഫ്.എ കപ്പിൽ മാഞ്ചസ്റ്റർ സിറ്റിയോട് 4-0 ന് തോറ്റത് ലിവർപൂളിന്റെ ഈ സീസണിലെ മോശം പ്രകടനങ്ങളിൽ ഒന്നാണ്. 570 മില്യൺ ഡോളർ മുടക്കി പുതിയ താരങ്ങളെ ടീമിലെത്തിച്ച് പ്രീമിയർ ലീഗ് കിരീടം ലക്ഷ്യമിട്ടിറങ്ങിയ ലിവർപൂളിന് വലിയ പ്രതീക്ഷകളായിരുന്നു ഉണ്ടായിരുന്നത്.
ലീഗ് കിരീടം നിലനിർത്താനുള്ള സാധ്യതകൾ മങ്ങിയതോടെ ചാമ്പ്യൻസ് ലീഗ് മാത്രമാണ് ഇപ്പോൾ ലിവർപൂളിന് മുന്നിലുള്ള ഏക കിരീട പ്രതീക്ഷ.
എന്നാൽ നിലവിലെ ഫോം വെച്ച് നോക്കുമ്പോൾ അതും അത്ര എളുപ്പമായിരിക്കില്ല.
മികച്ച ഫോമിൽ പി.എസ്.ജി
കഴിഞ്ഞ ഏഴ് മത്സരങ്ങളിൽ നാലെണ്ണത്തിലും തോറ്റ ലിവർപൂൾ കടുത്ത സമ്മർദ്ദത്തിലാണെങ്കിൽ, തുടർച്ചയായ നാല് വിജയങ്ങളുമായി മികച്ച ഫോമിലാണ് പി.എസ്.ജി. പ്രീക്വാർട്ടറിൽ ചെൽസിയെ 5-2, 3-0 എന്നീ സ്കോറുകൾക്ക് പരാജയപ്പെടുത്തിയതിന്റെ ആത്മവിശ്വാസം അവർക്കുണ്ട്.
കഴിഞ്ഞ ഇരുപത് വർഷത്തിനിടെ ചാമ്പ്യൻസ് ലീഗ് കിരീടം നിലനിർത്തിയത് റയൽ മാഡ്രിഡ് മാത്രമാണ്. എങ്കിലും കിരീടം നിലനിർത്താനുള്ള കെല്പ് പി.എസ്.ജിക്ക് ഉണ്ടെന്നാണ് വിലയിരുത്തൽ.
പാരീസിലെ ആദ്യ പാദ മത്സരത്തിൽ നിന്ന് ഭേദപ്പെട്ടൊരു ഫലം നേടി, ആൻഫീൽഡിൽ നടക്കുന്ന രണ്ടാം പാദത്തിന് തയ്യാറെടുക്കാനായിരിക്കും സ്ലോട്ടും ലിവർപൂളും ശ്രമിക്കുക.
മാഡ്രിഡ് – ബയേൺ പോരാട്ടം
ക്വാർട്ടർ ഫൈനലിലെ മറ്റ് മത്സരങ്ങൾ റയൽ മാഡ്രിഡ് – ബയേൺ മ്യൂണിക്, ബാഴ്സലോണ – അത്ലറ്റിക്കോ മാഡ്രിഡ്, സ്പോർട്ടിങ് ലിസ്ബൺ – ആഴ്സണൽ എന്നിവയാണ്. ചാമ്പ്യൻസ് ലീഗിലെ ഏറ്റവും വലിയ പ്രത്യേകതകളിൽ ഒന്ന്, 21 തവണ കിരീടം നേടിയ മാഡ്രിഡും ബയേണും ഇതുവരെ ഫൈനലിൽ ഏറ്റുമുട്ടിയിട്ടില്ല എന്നതാണ്. ഈ സീസണിലും അത് സംഭവിക്കാൻ പോകുന്നില്ല.
Bayern Munich’s Serge Gnabry, Harry Kane, Tom Bischof and Raphael Guerreiro” title=”Bayern Munich’s Serge Gnabry, Harry Kane, Tom Bischof and Raphael Guerreiro” class=” lazy” width=”100%” height=”100%”/> ബയേൺ മ്യൂണിക്കിന്റെ സെർജ് ഗ്നാബ്രി, ഹാരി കെയ്ൻ, ടോം ബിഷോഫ്, റാഫേൽ ഗ്വെറെയ്റോ
| ഫോട്ടോ കടപ്പാട്:
എ.പി
കഴിഞ്ഞ 14 സീസണുകളിൽ ആറാം തവണയാണ് ഈ വമ്പൻമാർ നോക്കൗട്ട് ഘട്ടത്തിൽ ഏറ്റുമുട്ടുന്നത്. 2011-12 സീസണിന് ശേഷം നടന്ന അഞ്ച് മത്സരങ്ങളിൽ നാലെണ്ണത്തിലും മാഡ്രിഡ് ജയിച്ചു. 2012 സെമിഫൈനലിൽ മാത്രമാണ് ബയേൺ പെനാൽറ്റി ഷൂട്ടൗട്ടിലൂടെ ജയിച്ചത്.
തുടർച്ചയായ 13 മത്സരങ്ങളിൽ തോൽവിയറിയാത്ത ബയേണിന് ഇത്തവണ മികച്ച അവസരമാണുള്ളത്. കണങ്കാലിനേറ്റ ചെറിയ പരിക്കിനെത്തുടർന്ന് കഴിഞ്ഞ ശനിയാഴ്ചത്തെ ബുണ്ടസ് ലീഗ മത്സരം നഷ്ടമായെങ്കിലും, സൂപ്പർ താരം ഹാരി കെയ്ൻ ടീമിൽ തിരിച്ചെത്തും.
റയൽ മാഡ്രിഡ് പ്രീക്വാർട്ടറിൽ മാഞ്ചസ്റ്റർ സിറ്റിയെ തോൽപ്പിച്ചെങ്കിലും, കഴിഞ്ഞ ശനിയാഴ്ച ലാലിഗയിൽ മല്ലോർക്കയോട് 2-1 ന് തോറ്റത് അവരുടെ കിരീട പ്രതീക്ഷകൾക്ക് തിരിച്ചടിയായിട്ടുണ്ട്.
ബാഴ്സലോണ – അത്ലറ്റിക്കോ
രണ്ട് മാസത്തിനിടെ അഞ്ചാം തവണയാണ് ബാഴ്സലോണയും അത്ലറ്റിക്കോയും തമ്മിൽ ഏറ്റുമുട്ടുന്നത്. അടുത്ത പത്ത് ദിവസത്തിനുള്ളിൽ മാത്രം അവർ മൂന്ന് തവണ കളിക്കാനിരിക്കുകയാണ്.
കഴിഞ്ഞ ശനിയാഴ്ച നടന്ന ലാലിഗ മത്സരത്തിൽ ബാഴ്സലോണ 2-1 ന് അത്ലറ്റിക്കോയെ പരാജയപ്പെടുത്തിയിരുന്നു. ഫെബ്രുവരിയിൽ കോപ്പ ഡെൽ റേയിൽ ഇവർ ഏറ്റുമുട്ടിയപ്പോൾ, അത്ലറ്റിക്കോയാണ് അഗ്രിഗേറ്റ് സ്കോറിൽ വിജയിച്ചത്.
മുൻപ് രണ്ട് തവണ ചാമ്പ്യൻസ് ലീഗ് ക്വാർട്ടർ ഫൈനലിൽ ഏറ്റുമുട്ടിയപ്പോഴും അത്ലറ്റിക്കോയാണ് ജയിച്ചു കയറിയത് (2014, 2016). രണ്ട് തവണയും അവർ രണ്ടാം പാദം സ്വന്തം തട്ടകത്തിലാണ് കളിച്ചത്. ബുധനാഴ്ചയാണ് ഇത്തവണത്തെ ക്വാർട്ടർ ഫൈനൽ ആദ്യ പാദം.
ആഴ്സണൽ – സ്പോർട്ടിങ്
സ്വീഡനെ ലോകകപ്പിന് യോഗ്യത നേടാൻ സഹായിച്ച ആഴ്സണൽ താരം വിക്ടർ ഗ്യോക്കറെസ്, താൻ വളർന്നുവന്ന ക്ലബ്ബായ സ്പോർട്ടിങിനെതിരെ കളിക്കാനൊരുങ്ങുന്നു.
Arsenal‘s Viktor Gyokeres celebrates with Max Dowman and Bukayo Saka after scoring a goal” title=”Arsenal’s Viktor Gyokeres celebrates with Max Dowman and Bukayo Saka after scoring a goal” class=” lazy” width=”100%” height=”100%”/> വിക്ടർ ഗ്യോക്കറെസ്
| ഫോട്ടോ കടപ്പാട്:
റോയിട്ടേഴ്സ്
താരം ടീം വിട്ടപ്പോൾ എല്ലാവർക്കും സങ്കടമായിരുന്നുവെന്നും, എന്നാൽ ആഴ്സണലിൽ താരം മികച്ച പ്രകടനമാണ് നടത്തുന്നതെന്നും സ്പോർട്ടിങ് പ്രതിരോധ താരം മാക്സിമിലിയാനോ അരൗജോ പറഞ്ഞു.
സ്പോർട്ടിങ്ങിനായി 102 മത്സരങ്ങളിൽ നിന്ന് 97 ഗോളുകൾ ഗ്യോക്കറെസ് നേടിയിട്ടുണ്ട്. ആഴ്സണലിൽ ചേർന്ന ശേഷം 42 മത്സരങ്ങളിൽ നിന്ന് 16 ഗോളുകളാണ് താരം നേടിയത്. എങ്കിലും പരിശീലകൻ മൈക്കൽ അർറ്റേറ്റയ്ക്ക് ഗ്യോക്കറെസിന്റെ കളി ശൈലിയോട് വലിയ താല്പര്യമാണ്.
ഏറ്റവും ഒടുവിലായി അന്താരാഷ്ട്ര മത്സരങ്ങളിൽ മികച്ച ഫോമിലുള്ള താരം വലിയ ആത്മവിശ്വാസത്തോടെയാണ് ലിസ്ബണിലേക്ക് എത്തുന്നത്. ചൊവ്വാഴ്ചയാണ് മത്സരം നടക്കുന്നത്.
പ്രസിദ്ധീകരിച്ചത് – ഏപ്രിൽ 07, 2026 12:53 PM IST