വെള്ളിയാഴ്ച നടന്ന ലോകകപ്പ് മത്സരത്തിനിടെ ഇറാനെതിരെ പരിക്കേറ്റ മുഹമ്മദ് സലായുടെ ആരോഗ്യസ്ഥിതിയെക്കുറിച്ചുള്ള ആശങ്കകൾ തള്ളി ഈജിപ്ത് പരിശീലകൻ ഹൊസാം ഹസ്സൻ രംഗത്തെത്തി. മുൻ ലിവർപൂൾ താരമായ സലായുടെ കാൽമുട്ടിനേറ്റ പരിക്കാണ് ആശങ്ക പരത്തിയത്.

മത്സരത്തിന്റെ 57-ാം മിനിറ്റിൽ ഇടത് കാൽമുട്ടിന് പരിക്കേറ്റതിനെ തുടർന്ന് സലായ്ക്ക് കളം വിടേണ്ടി വന്നു. മത്സരശേഷം താരത്തെ കൂടുതൽ പരിശോധനകൾക്ക് വിധേയനാക്കുമെന്ന് അറിയിച്ചിരുന്നു.

പരിക്കിന്റെ വ്യാപ്തി സംബന്ധിച്ച് ഇതുവരെ വ്യക്തത വന്നിട്ടില്ലെങ്കിലും, വെള്ളിയാഴ്ച ഓസ്‌ട്രേലിയക്കെതിരെ നടക്കുന്ന റൗണ്ട് ഓഫ് 32 മത്സരത്തിന് മുന്നോടിയായി കാര്യങ്ങൾ നിരീക്ഷിച്ചു വരികയാണെന്നും ആശങ്കപ്പെടേണ്ട സാഹചര്യമില്ലെന്നും പരിശീലകൻ ഹസ്സൻ വ്യക്തമാക്കി.

“ഞാൻ സലായുമായി സംസാരിച്ചു. താൻ സുഖമായിരിക്കുമെന്നും ഇത് ഗുരുതരമായ പരിക്കല്ലെന്നും അവൻ എന്നോട് പറഞ്ഞു,” ഹസ്സൻ പറഞ്ഞു.

“മെഡിക്കൽ സ്റ്റാഫുമായി സംസാരിക്കാൻ ഞങ്ങൾക്ക് ഇനിയും സമയമുണ്ട്. സലാ തിരിച്ചെത്തുമെന്ന് തന്നെയാണ് ഞാൻ കരുതുന്നത്. അവനുമായി സംസാരിച്ചപ്പോൾ താൻ സുഖമായിരിക്കുമെന്ന് അവൻ എനിക്ക് ഉറപ്പുനൽകിയിട്ടുണ്ട്.”