പ്രസിഡന്റ് സ്ഥാനാർത്ഥിയാകാൻ ആവശ്യമായ ബാങ്ക് ഗ്യാരണ്ടിയോ വൻ തുകയുടെ സാമ്പത്തിക ഉറപ്പോ നൽകേണ്ടതില്ല എന്നതാണ് ഈ തിരഞ്ഞെടുപ്പിലെ പ്രധാന പ്രത്യേകത. റയൽ മാഡ്രിഡിന്റെ നിലവിലെ സാമൂഹിക നിയമങ്ങളിലെ ആർട്ടിക്കിൾ 40.C.5 പ്രകാരം അനുവദിച്ചിട്ടുള്ള നിയമപരമായ ഇളവാണ് പെരസിന് ഇതിലൂടെ ലഭിക്കുന്നത്. വെള്ളി ഉച്ചയോടെയാണ് പെരസിന്റെ പ്രതിനിധികൾ അദ്ദേഹത്തിന്റെ തിരഞ്ഞെടുപ്പ് പ്രകടനപത്രികയുൾപ്പെടെയുള്ള രേഖകൾ ബോർഡിന് മുൻപാകെ സമർപ്പിച്ചത്. നിലവിലെ പ്രസിഡന്റായ പെരസ് തന്റെ എട്ടാമത്തെ ടേമിന് വേണ്ടിയാണ് മത്സരിക്കുന്നത്. കഴിഞ്ഞ തവണ എതിരില്ലാതെയാണ് അദ്ദേഹം തിരഞ്ഞെടുക്കപ്പെട്ടത്. അതേസമയം, എതിർ സ്ഥാനാർത്ഥിയായ എൻറിക് റിക്കൽമെ തന്റെ പ്രചാരണത്തിനായി ആവശ്യമായ 187 ദശലക്ഷം യൂറോയുടെ ഗ്യാരണ്ടി ലഭിക്കുന്നതിനായി വൻ ബാങ്ക് വായ്പകൾക്ക് ശ്രമിച്ചുകൊണ്ടിരിക്കുകയാണ്.