close
തിങ്കളാഴ്‌ച, ഏപ്രിൽ 20
Advertisement
Telegram Channel Join Now
WhatsApp Channel Join Now

ലിയോണിനെതിരായ തോൽവി നിരാശാജനകം: പ്രതികരണവുമായി അഷ്‌റഫ് ഹക്കിമി

ലിഗ് വണ്ണിൽ ലിയോണിനെതിരെ നടന്ന മത്സരത്തിൽ പിഎസ്ജി നേരിട്ട 2-1 തോൽവിക്ക് പിന്നാലെ പ്രതികരണവുമായി ടീമിന്റെ റൈറ്റ്-ബാക്ക് അഷ്‌റഫ് ഹക്കിമി രംഗത്തെത്തി.

“ഈ ഫലത്തിൽ ഞങ്ങൾ ഒട്ടും തൃപ്തരല്ല. ഹോം ഗ്രൗണ്ടിൽ തോൽവി വഴങ്ങുന്നത് ഒരിക്കലും നല്ലതല്ല. സീസണിന്റെ ഈ ഘട്ടത്തിൽ പോയിന്റുകൾ നഷ്ടപ്പെടുത്തുന്നത് വലിയ തിരിച്ചടിയാണ്. തൊട്ടുപിന്നിലുള്ള ലെൻസ് മികച്ച പ്രകടനവുമായി സമ്മർദ്ദം ചെലുത്തുമ്പോൾ ഇത്തരം നഷ്ടങ്ങൾ വലിയ പ്രത്യാഘാതങ്ങൾ ഉണ്ടാക്കും. ബുധനാഴ്ച നടക്കാനിരിക്കുന്ന മത്സരത്തിൽ ശ്രദ്ധ കേന്ദ്രീകരിക്കാനാണ് ഇപ്പോൾ ശ്രമിക്കുന്നത്,” മൊറോക്കൻ താരം വ്യക്തമാക്കി.

“ഞങ്ങളുടെ ശൈലിയിൽ കളിക്കാൻ കഴിഞ്ഞില്ലേ എന്ന ചോദ്യത്തിന്, ഞങ്ങൾ പരമാവധി ശ്രമിച്ചു എന്നതാണ് ഉത്തരം. മത്സരത്തിൽ ഞങ്ങൾ ആധിപത്യം പുലർത്തിയിരുന്നു. പരിശീലകൻ പറഞ്ഞതുപോലെ, ലിയോൺ ഞങ്ങളുടെ ബോക്സിലേക്ക് രണ്ട് തവണ മാത്രം കടന്നുവരികയും രണ്ട് ഗോളുകൾ നേടുകയും ചെയ്തു. ഞങ്ങൾ ശ്രമിച്ചു, അവസരങ്ങൾ ലഭിച്ചു, ഒരു പെനാൽറ്റി നഷ്ടപ്പെടുത്തുകയും ചെയ്തു. ടീം ചെയ്യേണ്ടതെല്ലാം ചെയ്തു, പക്ഷേ ഫിനിഷിംഗിലെ പോരായ്മയാണ് വിനയായത്. അടുത്ത മത്സരത്തിൽ കൂടുതൽ ഗോളുകൾ നേടാനാകുമെന്ന് കരുതുന്നു.”

Advertisement

“എൻഡ്രിക്കുമായി ഉണ്ടായ തർക്കത്തെക്കുറിച്ച് പറയുകയാണെങ്കിൽ, ഫുട്ബോൾ മത്സരങ്ങളിൽ ഇത്തരം കാര്യങ്ങൾ സ്വാഭാവികമാണ്. ഒരു കളിക്കാരനിൽ മാത്രം ശ്രദ്ധ കേന്ദ്രീകരിക്കേണ്ടതില്ല. ടീമിനെ ഫോക്കസ് ചെയ്യിക്കാനാണ് ഞാൻ ശ്രമിച്ചത്. ഫുട്ബോളിൽ മാത്രം ശ്രദ്ധിക്കാനും ആരാധകരെ പ്രകോപിപ്പിക്കുന്ന രീതിയിലുള്ള കാര്യങ്ങൾ ഒഴിവാക്കാനും ഞാൻ അവനോട് പറഞ്ഞു. അവൻ നല്ലൊരു കളിക്കാരനാണ്, എന്നാൽ കളിയല്ലാത്ത കാര്യങ്ങൾ ചെയ്യുമ്പോൾ അത് അസ്വസ്ഥതയുണ്ടാക്കും, പ്രത്യേകിച്ചും നമ്മൾ തോൽക്കുമ്പോൾ അത് അംഗീകരിക്കാൻ പ്രയാസമാണ്. എങ്കിലും ഇപ്പോൾ പ്രശ്നങ്ങളൊന്നുമില്ല.”

നിലവിൽ ലീഗ് വൺ പോയിന്റ് പട്ടികയിൽ രണ്ടാമതുള്ള ലെൻസിനേക്കാൾ ഒരു പോയിന്റ് ലീഡ് മാത്രമാണ് പിഎസ്ജിക്കുള്ളത്. ബുധനാഴ്ച നാന്റസിനെ നേരിടുമ്പോൾ ലീഡ് വർധിപ്പിക്കുക എന്നതാകും പിഎസ്ജിയുടെ ലക്ഷ്യം.


Share.

Latest ISL, MLS, Saudi, Indian, Premier, Champions League, Laliga, football live News, Transfers, Lineups, Schedules, And Complete Match Results.