സഫ് വനിതാ ചാമ്പ്യൻഷിപ്പ്: ബംഗ്ലാദേശിനെ തകർത്ത് ഇന്ത്യ കിരീടമുയർത്തി
ഗോവയിലെ മാർഗോവ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ ബംഗ്ലാദേശിനെ 1-3 എന്ന സ്കോറിന് പരാജയപ്പെടുത്തി ഇന്ത്യ ആറാം തവണയും സഫ് (SAFF) വനിതാ ചാമ്പ്യൻഷിപ്പ് കിരീടം സ്വന്തമാക്കി. ഇതോടെ ടൂർണമെന്റിൽ ഏറ്റവും കൂടുതൽ തവണ കിരീടം നേടുന്ന ടീമെന്ന നേട്ടം ഇന്ത്യ നിലനിർത്തി.
2019-ന് ശേഷം ഇന്ത്യ നേടുന്ന ആദ്യ കിരീടമാണിത്. തുടർച്ചയായി മൂന്നാം തവണയും കിരീടം സ്വപ്നം കണ്ടിരുന്ന ബംഗ്ലാദേശിന്റെ പ്രതീക്ഷകളെ തകർത്താണ് ബ്ലൂ ടൈഗ്രസസ് എന്നറിയപ്പെടുന്ന ഇന്ത്യൻ വനിതാ ഫുട്ബോൾ ടീം വിജയം ഉറപ്പിച്ചത്.
മത്സരത്തിൽ പ്യാരെ സാക്സ, സൻഫിദ നോങ്രം, ലിൻഡ കോം എന്നിവരാണ് ഇന്ത്യയ്ക്കായി ഗോൾ നേടിയത്. സന്ദർശകരായ ബംഗ്ലാദേശിനായി റിതു പോർണ ചക്മ ആശ്വാസ ഗോൾ കണ്ടെത്തി. കൂടുതൽ വിവരങ്ങൾ വരാനിരിക്കുന്നതേയുള്ളൂ.
Advertisement
പ്രസിദ്ധീകരിച്ചത്: ജൂൺ 06, 2026