2026 ലോകകപ്പിന്റെ ഉദ്ഘാടന റൗണ്ടിൽ ന്യൂസിലാൻഡിനെതിരായ മത്സരത്തിൽ ഇറാൻ സമനില വഴങ്ങിയതിന് പിന്നാലെ ഫിഫ പ്രസിഡന്റ് ജിയാനി ഇൻഫാന്റിനോ ഇറാൻ ടീമിന്റെ ഡ്രസ്സിങ് റൂം സന്ദർശിച്ചു.

മത്സരശേഷം ഇറാൻ ടീമിലെ കളിക്കാരോടും പരിശീലകരോടും സംസാരിച്ച ഫിഫ അധ്യക്ഷൻ അവർക്ക് പിന്തുണ അറിയിച്ചു.

“ഇന്നത്തെ മത്സരം കടുപ്പമേറിയതായിരുന്നു. കുറച്ചുകൂടി ഭാഗ്യം തുണച്ചിരുന്നെങ്കിൽ നിങ്ങൾക്ക് വിജയിക്കാമായിരുന്നു. എങ്കിലും നിങ്ങൾ മികച്ച ഫുട്ബോൾ ആണ് പുറത്തെടുക്കുന്നത്. രണ്ട് മത്സരങ്ങൾ കൂടി ബാക്കിയുണ്ട്. ലോകം വീണ്ടും അഭിമാനിക്കുന്ന തരത്തിലുള്ള പ്രകടനമായിരിക്കും നിങ്ങൾ കാഴ്ചവെക്കുക,” ഇൻഫാന്റിനോ പറഞ്ഞു.

“നിങ്ങൾ എന്തിലൂടെയാണ് കടന്നുപോകുന്നതെന്ന് എനിക്കറിയാം, അത് ഞാൻ മനസ്സിലാക്കുന്നു. എന്നാൽ നിങ്ങൾ എല്ലാത്തിനേക്കാളും ശക്തരാണ്. ലോകത്തിന് മുഴുവൻ നിങ്ങൾ ഒരു സന്ദേശമാണ് നൽകുന്നത്. ഇന്ന് രാത്രി സ്റ്റേഡിയത്തെയാകെ ഒന്നിപ്പിക്കാൻ നിങ്ങൾക്ക് സാധിച്ചു. ലോകത്തിന് മുന്നിൽ നിങ്ങൾ അത് കാണിച്ചുതന്നു, അതൊരു ശക്തമായ സന്ദേശമാണ്. വളരെ നന്ദി,” ഇൻഫാന്റിനോ കൂട്ടിച്ചേർത്തു.

🏆 ഫുട്ബോൾ എക്സ്ട്രാ – ഫിഫ ലോകകപ്പ് എഡിഷൻ പരീക്ഷിക്കൂ. ലോകകപ്പ് മത്സരങ്ങൾ കാണുന്നതിനായി നിങ്ങളുടെ മികച്ച സെക്കൻഡ് സ്ക്രീൻ 📺