“ഒരു വിങ്ങർ ഗോളുകൾ നേടേണ്ടത് അത്യാവശ്യമാണ്. എനിക്ക് കൂടുതൽ ഗോളുകൾ നേടാനായാൽ, നൂറ് ശതമാനവും ഞാൻ ആഗ്രഹിക്കുന്ന നിലവാരത്തിലേക്ക് എത്തുമെന്ന് ഞാൻ വിശ്വസിക്കുന്നു. ഡിഫൻഡർമാരോട് ചോദിച്ചാൽ അവർ പറയുക, ഞാൻ ഗോളുകൾ കൂടി നേടുകയാണെങ്കിൽ അത് അവർക്ക് വലിയ വെല്ലുവിളിയാകുമെന്നാണ്.”

“അസിസ്റ്റുകളുടെ കാര്യത്തിൽ ഞാൻ മികച്ച പ്രകടനമാണ് നടത്തുന്നത്. കീ പാസുകളും അസിസ്റ്റുകളും നൽകുന്നതിൽ ഞാൻ തൃപ്തനാണ്. എന്നാൽ ഗോളുകളുടെ കാര്യത്തിലാണ് ഞാൻ കൂടുതൽ ശ്രദ്ധ കേന്ദ്രീകരിക്കേണ്ടത്. ടാപ്പ്-ഇന്നുകൾ പോലുള്ള എളുപ്പമുള്ള ഗോളുകൾ നേടാൻ സാധിക്കുന്ന പൊസിഷനുകളിൽ കൂടുതൽ സമയം ചെലവഴിക്കേണ്ടതുണ്ട്.”

“കളിക്കിടയിൽ പലപ്പോഴും ഗോളുകൾ നേടാനുള്ള പൊസിഷനുകളിൽ നിൽക്കാൻ ഞാൻ ശ്രദ്ധിക്കാറില്ല. ഈ സീസണിൽ ഞാൻ നേടിയ ഗോളുകൾ പരിശോധിച്ചാൽ അവയെല്ലാം ഡ്രിബിളുകളിലൂടെ നേടിയതാണ്. എന്നാൽ കഠിനമായ ഗോളുകൾക്ക് പുറമെ, സീസണിൽ കുറഞ്ഞത് അഞ്ച് ടാപ്പ്-ഇൻ ഗോളുകളെങ്കിലും നേടാൻ ഞാൻ ആഗ്രഹിക്കുന്നു. അത്തരം ഗോളുകൾ ടീമിന് വലിയ വ്യത്യാസം ഉണ്ടാക്കിത്തരും,” ജെറമി ഡോകു വ്യക്തമാക്കി.