“ഗർണാച്ചോയ്ക്ക് മികച്ച കളിക്കാരനാകാൻ കഴിയുമെന്ന് തെളിയിക്കുന്ന പല സൂചനകളും നേരത്തെ ലഭിച്ചിട്ടുണ്ട്. താരത്തിന് ചുറ്റുമുള്ള അനാവശ്യ ചർച്ചകളാണ് ചിലപ്പോൾ പ്രശ്നമാകുന്നത്. സത്യത്തിൽ ഈ സീസണിൽ അത്തരം പ്രശ്നങ്ങൾ കുറവായിരുന്നു. മാഞ്ചസ്റ്റർ യുണൈറ്റഡുമായുള്ള ചരിത്രപരമായ പ്രശ്നങ്ങൾ നിലനിൽക്കുന്നതിനാൽ, ഒരു കളിക്കാരൻ എന്ന നിലയിൽ അവൻ വളരെ ശ്രദ്ധയോടെ മുന്നോട്ട് പോകേണ്ടതുണ്ട്.”

“ഗർണാച്ചോയ്ക്ക് മികച്ച കളിക്കാരനാകാൻ ഇനിയും വലിയ സാധ്യതയുണ്ട്. എന്നാൽ അവൻ അത് വിശ്വസിക്കുകയും അതിനായി പരിശ്രമിക്കുകയും ശരിയായ പാത തിരഞ്ഞെടുക്കുകയും വേണം.”

“ഇക്കാര്യങ്ങളെല്ലാം അവനെയും പുതിയ മാനേജറെയുമാണ് ആശ്രയിച്ചിരിക്കുന്നത്. പുതിയ മാനേജർ ചുമതലയേൽക്കുമ്പോൾ ഗർണാച്ചോയെ അദ്ദേഹം എങ്ങനെ കാണുന്നു എന്നത് നിർണായകമാണ്.”

“ഒരു ഉപദേശകൻ എന്ന നിലയിൽ എനിക്ക് പറയാനുള്ളത്, തനിക്ക് സമാധാനവും സന്തോഷവും ലഭിക്കുന്ന ഒരു ഇടം അവൻ കണ്ടെത്തണം എന്നാണ്.”

“നിലവിൽ ചെൽസി ആരാധകർ ഗർണാച്ചോയിൽ അൽപ്പം അസംതൃപ്തരാണ്, അവൻ നന്നായി കളിച്ചില്ല എന്നത് സത്യമാണ്. എന്നാൽ അവൻ മോശമായ പ്രകടനമല്ല കാഴ്ചവെച്ചത്, മറിച്ച് അവന്റെ ഏറ്റവും മികച്ച ഫോമിൽ ആയിരുന്നില്ലെന്ന് മാത്രം,” ജോ കോൾ പറഞ്ഞു.