റിയൽ മാഡ്രിഡ് മുൻ താരവും പരിശീലകനുമായ ജോർജ് വാൽഡാനോ ബാഴ്സലോണയുടെ യുവതാരം ലമീൻ യമാലിനെ പ്രശംസിച്ചു. ഫുട്ബോൾ ലോകത്ത് യമാൽ കൈവരിച്ച അപ്രതീക്ഷിത വളർച്ചയെ അതീവ ഭാഗ്യമായാണ് അദ്ദേഹം വിശേഷിപ്പിച്ചത്.

“ബാഴ്സലോണ വളരെ ഭാഗ്യവാന്മാരാണ്. മെസ്സിക്ക് ശേഷം യമാൽ എന്നൊരു താരത്തെ ലഭിക്കുക എന്നത് ജീവിതത്തിൽ രണ്ടുതവണ ലോട്ടറി അടിച്ചതുപോലെയാണ്,” എന്ന് വാൽഡാനോ അഭിപ്രായപ്പെട്ടു.

18 വയസ്സുള്ള ലമീൻ യമാലിന്റെ മികച്ച പ്രകടനത്തെയാണ് ഈ താരതമ്യം എടുത്തുപറയുന്നത്. കഴിഞ്ഞ സീസണിൽ ലാലിഗയിൽ ബാഴ്സലോണയ്ക്കായി 28 മത്സരങ്ങളിൽ നിന്ന് 16 ഗോളുകളും 11 അസിസ്റ്റുകളും താരം സ്വന്തമാക്കിയിരുന്നു.