കൊച്ചിയില് കേരള ബ്ലാസ്റ്റേഴ്സ് – നോർത്ത് ഈസ്റ്റ് യുണൈറ്റഡ് പോരാട്ടം ഇന്ന്
രണ്ടാഴ്ച മുൻപ് കൊച്ചി ജവഹർലാൽ നെഹ്റു സ്റ്റേഡിയത്തിൽ നടന്ന എഎഫ്സി ഏഷ്യൻ കപ്പ് യോഗ്യതാ മത്സരത്തിൽ ഹോങ്കോങ് ചൈനയ്ക്കെതിരെ ഇന്ത്യ നേടിയ തകർപ്പൻ വിജയം കായിക പ്രേമികളിൽ വലിയ ആവേശമാണ് നിറച്ചത്. യോഗ്യതാ സാധ്യതകൾ ഇല്ലാത്ത മത്സരമായിരുന്നിട്ടും 22,000-ത്തിലധികം കാണികളാണ് സ്റ്റേഡിയത്തിൽ ആവേശം പകരാൻ എത്തിയത്. അതേ ആവേശത്തോടെയുള്ള പിന്തുണ ആരാധകരിൽ നിന്ന് ഇന്നും പ്രതീക്ഷിക്കുകയാണ് കേരള ബ്ലാസ്റ്റേഴ്സ് എഫ്സി. ഇന്ത്യൻ സൂപ്പർ ലീഗ് (ISL) 2025-26 സീസണിൽ നോർത്ത് ഈസ്റ്റ് യുണൈറ്റഡിനെതിരായ നിർണായക മത്സരത്തിനായി ബ്ലാസ്റ്റേഴ്സ് ഇന്ന് കൊച്ചിയിൽ ഇറങ്ങും.
മത്സര വിവരങ്ങൾ
കേരള ബ്ലാസ്റ്റേഴ്സ് – നോർത്ത് ഈസ്റ്റ് യുണൈറ്റഡ് ഐഎസ്എൽ മത്സരം എപ്പോൾ, എവിടെ നടക്കും?
കേരള ബ്ലാസ്റ്റേഴ്സും നോർത്ത് ഈസ്റ്റ് യുണൈറ്റഡും തമ്മിലുള്ള ഐഎസ്എൽ 2025-26 മത്സരം ഏപ്രിൽ 15 ബുധനാഴ്ച വൈകുന്നേരം 7:30-ന് കൊച്ചിയിലെ ജവഹർലാൽ നെഹ്റു സ്റ്റേഡിയത്തിൽ ആരംഭിക്കും.
മത്സരം എവിടെ കാണാം?
കേരള ബ്ലാസ്റ്റേഴ്സ് – നോർത്ത് ഈസ്റ്റ് യുണൈറ്റഡ് ഐഎസ്എൽ മത്സരം സോണി സ്പോർട്സ് നെറ്റ്വർക്കിൽ സംപ്രേക്ഷണം ചെയ്യും. കൂടാതെ, ഫാൻകോഡ് (FanCode) ആപ്പിലൂടെയും വെബ്സൈറ്റിലൂടെയും മത്സരത്തിന്റെ തത്സമയ സ്ട്രീമിങ് ലഭ്യമാകും.
Published on Apr 15, 2026