മുൻ ബാഴ്‌സലോണ പരിശീലകനും നിലവിലെ നെതർലൻഡ്‌സ് ദേശീയ ടീം കോച്ചുമായ റൊണാൾഡ് വാനുകൈമൻ, യുവതാരം കേസ് സ്മിത്തിനെ വാനോളം പ്രശംസിച്ചു. പ്രമുഖ യൂറോപ്യൻ ക്ലബ്ബുകൾ താരത്തെ സ്വന്തമാക്കാൻ താൽപ്പര്യം പ്രകടിപ്പിക്കുന്നതിനിടയിലാണ് വാനുകൈമൻ്റെ പ്രതികരണം.

ഈ വേനൽക്കാല ട്രാൻസ്ഫർ വിപണിയിൽ ഏറ്റവും കൂടുതൽ ശ്രദ്ധിക്കപ്പെടുന്ന താരങ്ങളിൽ ഒരാളായി കേസ് സ്മിത്ത് മാറുമെന്നാണ് കരുതപ്പെടുന്നത്. നിരവധി മുൻനിര ക്ലബ്ബുകൾ താരത്തിൻ്റെ നീക്കങ്ങൾ സൂക്ഷ്മമായി നിരീക്ഷിക്കുന്നുണ്ട്.

ബാഴ്‌സലോണയിലേക്ക് സ്മിത്ത് അനുയോജ്യനാണോ എന്ന ചോദ്യത്തിന് യാതൊരു മടിയുമില്ലാതെയാണ് നെതർലൻഡ്‌സ് പരിശീലകൻ മറുപടി നൽകിയത്.

“അവൻ ബാഴ്‌സലോണയ്ക്ക് വേണ്ടിയുള്ള കളിക്കാരനാണ്,” വാനുകൈമൻ പറഞ്ഞു. “ഫ്രെങ്കി ഡി ജോങ്ങിൻ്റെയും പെഡ്രിയുടെയും ഒരു മിശ്രിതമാണ് അവൻ. ഈ രണ്ടുപേരുടെയും മികവ് ഒത്തിണങ്ങിയ ഒരു താരം തീർച്ചയായും മികച്ചവൻ തന്നെയായിരിക്കും.”

ഈ വർഷം ആദ്യം സ്മിത്തിന് സീനിയർ ടീമിൽ അരങ്ങേറ്റം നൽകിയത് വാനുകൈമൻ തന്നെയാണ്. മുമ്പ് പെഡ്രിയുമായി താരത്തെ ഉപമിച്ചും അദ്ദേഹം രംഗത്തെത്തിയിരുന്നു.

എങ്കിലും, സ്മിത്തിന് ഇനിയും വികസിക്കാൻ അവസരമുണ്ടെന്ന് വാനുകൈമൻ വ്യക്തമാക്കി. പൂർണ്ണ കഴിവിൽ എത്തുന്നതിനായി കൂടുതൽ സമയം മൈതാനത്ത് ചിലവഴിക്കേണ്ടതുണ്ട്.

ഡച്ച് ക്ലബ്ബുകൾക്ക് താരത്തെ നിലനിർത്താൻ ആവശ്യമായ സാമ്പത്തിക ശേഷി ഇല്ലാത്തതിനാൽ, സ്മിത്ത് വിദേശ ക്ലബ്ബിലേക്ക് ചേക്കേറുന്നത് അനിവാര്യമായ ഒന്നായി മാറുകയാണ്.