ബയേൺ മ്യൂണിക്ക്, ജർമ്മനി യൂത്ത് മിഡ്‌ഫീൽഡർ ലെനാർട്ട് കാൾ തന്റെ ഫുട്ബോൾ റോൾ മോഡൽ ലയണൽ മെസ്സിയാണെന്ന് വെളിപ്പെടുത്തി.

“എന്റെ ഇടത് ഷിൻ ഗാർഡിൽ മെസ്സിയുടെ ചിത്രമുണ്ട്. ഞാൻ ഫുട്ബോൾ കളിക്കാൻ തുടങ്ങിയത് മുതൽ അദ്ദേഹം എന്റെ റോൾ മോഡലാണ്. മെസ്സിയെപ്പോലെ ഇടംകാലൻ ആയതും, ഉയരം കുറഞ്ഞതും, പന്തുമായി അവിശ്വസനീയമായ കാര്യങ്ങൾ ചെയ്യുന്നതും എന്നെ സ്വാധീനിച്ചിട്ടുണ്ട്,” കാൾ പറഞ്ഞു.

“അദ്ദേഹം എപ്പോഴും പ്രചോദനമാണ്. ഉയർന്ന തലത്തിൽ മികവ് തെളിയിക്കാൻ കഠിനാധ്വാനം ചെയ്യാനുള്ള പ്രചോദനമായി ഞാൻ ഇതിനെ കാണുന്നു,” ബയേണിന്റെ Magazine 51-ന് നൽകിയ അഭിമുഖത്തിൽ ലെനാർട്ട് കാൾ വ്യക്തമാക്കി.