ആർബി ലെയ്പ്‌സിഗിന്റെ യുവതാരം യാൻ ഡിയോമാൻഡെയെ ടീമിലെത്തിക്കാൻ ലിവർപൂൾ ചർച്ചകൾ തുടങ്ങിയതായി ദ അത്‌ലറ്റിക് റിപ്പോർട്ട് ചെയ്യുന്നു.

ഐവറി കോസ്റ്റ് വിംഗറായ താരത്തെ സ്വന്തമാക്കാൻ പ്രീമിയർ ലീഗ് ക്ലബ്ബായ ലിവർപൂൾ ആണ് ഏറ്റവും മുന്നിലുള്ളത്. പിഎസ്ജിയും മാഞ്ചസ്റ്റർ സിറ്റിയും താരത്തിനായി ശ്രമിക്കുന്നുണ്ടെങ്കിലും ലിവർപൂളിനെ അപേക്ഷിച്ച് അവരുടെ നീക്കങ്ങൾ അത്ര സജീവമല്ല.

ഡിയോമാൻഡെയെ വിൽക്കാനില്ലെന്ന നിലപാടിലാണ് ലെയ്പ്‌സിഗ്. എന്നാൽ 130 ദശലക്ഷം യൂറോയോളം ലഭിക്കുന്ന ഓഫർ വന്നാൽ അവർ നിലപാട് മാറ്റാൻ സാധ്യതയുണ്ട്.

ലെയ്പ്‌സിഗിനൊപ്പം മികച്ച പ്രകടനം പുറത്തെടുത്ത 19 വയസ്സുകാരനായ താരം ഒരു വലിയ ക്ലബ്ബിലേക്ക് മാറാൻ താൽപ്പര്യം പ്രകടിപ്പിക്കുന്നുണ്ട്. കഴിഞ്ഞ സീസണിൽ 36 മത്സരങ്ങളിൽ നിന്ന് 13 ഗോളുകളും 10 അസിസ്റ്റുകളുമാണ് താരം സ്വന്തമാക്കിയത്.