ലീഗ് 1-ൽ നാൻ്റസിനെതിരായ മത്സരത്തിൽ പകരക്കാരനായി ഇറങ്ങിയതോടെ പിഎസ്ജി പ്രതിരോധ താരം ലൂക്കാസ് ഹെർണാണ്ടസ് ക്ലബ്ബിനായി നൂറാം മത്സരം തികച്ചു. 3-0 എന്ന സ്കോറിനാണ് പിഎസ്ജി ഈ മത്സരത്തിൽ വിജയിച്ചത്.

“ഇതൊരു വലിയ നേട്ടമാണ്. പാരീസ് സെന്റ് ജെർമെയ്‌നുമായി ചേർന്ന് ഈ നാഴികക്കല്ല് പിന്നിട്ടതിൽ എനിക്ക് അഭിമാനമുണ്ട്. പാരീസിലെത്തിയ ശേഷം നിരവധി മികച്ച നിമിഷങ്ങൾ ഞാൻ അനുഭവിച്ചു. ചില പ്രയാസകരമായ സാഹചര്യങ്ങളും ഉണ്ടായിട്ടുണ്ടെങ്കിലും നല്ല നിമിഷങ്ങൾ മാത്രമാണ് ഞാൻ ഓർക്കുന്നത്. കഴിഞ്ഞ വർഷം ഫുട്ബോൾ ചരിത്രം കുറിച്ച ഈ ടീമിൻ്റെ ഭാഗമാകാൻ കഴിഞ്ഞതിൽ ഞാൻ അഭിമാനിക്കുന്നു. ഈ വർഷവും ഞങ്ങൾ മികച്ച രീതിയിലാണ് മുന്നേറുന്നത്. നൂറാം മത്സരം പൂർത്തിയാക്കാൻ കഴിഞ്ഞതിൽ അതിയായ സന്തോഷമുണ്ട്, ഇനിയും കൂടുതൽ മത്സരങ്ങൾ ഈ ക്ലബ്ബിനായി കളിക്കാൻ കഴിയുമെന്ന് ഞാൻ കരുതുന്നു,” ഫ്രഞ്ച് താരമായ ലൂക്കാസ് ഹെർണാണ്ടസ് പറഞ്ഞു.

വിജയത്തെക്കുറിച്ച് താരം പ്രതികരിച്ചത് ഇങ്ങനെ: “ലിയോണിനെതിരായ തോൽവിക്ക് ശേഷം, ഈ മത്സരത്തെ ഏറ്റവും മികച്ച രീതിയിൽ തന്നെ സമീപിക്കേണ്ടത് അനിവാര്യമായിരുന്നു. ലെൻസിനെക്കാൾ നാല് പോയിൻ്റ് മുന്നിലെത്താൻ ഈ ജയം ഞങ്ങളെ സഹായിക്കും എന്നറിയാമായിരുന്നു. ഞങ്ങൾ ശരിയായ പാതയിലാണ്. ലീഗ് 1 കിരീടം നേടുക എന്നത് എല്ലാവരുടെയും ലക്ഷ്യമാണ്. ഇത് അത്ര എളുപ്പമല്ലെന്ന് ഞങ്ങൾക്കറിയാം, എങ്കിലും ഞങ്ങൾ ശരിയായ ദിശയിലാണ് മുന്നോട്ട് പോകുന്നത്.”