35-ാം വയസ്സിൽ ഫുട്ബോളിൽ നിന്ന് വിരമിക്കൽ പ്രഖ്യാപിച്ച് ഐവറികോസ്റ്റ് താരം മാത്തിസ് ബോളി.
ലില്ലെസ്ട്രോം എസ്കെ വിട്ടതിന് ശേഷം ഏതെങ്കിലും ക്ലബ്ബിൽ അംഗമാകാതിരുന്ന താരം, തന്റെ കരിയർ അവസാനിപ്പിക്കാൻ തീരുമാനിക്കുകയായിരുന്നു. ഐവറികോസ്റ്റ് ദേശീയ ടീമിനായി അഞ്ച് മത്സരങ്ങൾ കളിച്ചിട്ടുള്ള ബോളി, 2014-ലെ ലോകകപ്പിലും ടീമിന്റെ ഭാഗമായിരുന്നു. വിവിധ യൂറോപ്യൻ ക്ലബ്ബുകൾക്ക് വേണ്ടി കളിച്ചിട്ടുള്ള താരം, ഏപ്രിൽ 6 തിങ്കളാഴ്ച ഇൻസ്റ്റാഗ്രാമിലൂടെയാണ് വിരമിക്കൽ പ്രഖ്യാപിച്ചത്.
ഒരുപാട് മനോഹരമായ ഓർമ്മകളുമായാണ് ഞാൻ മടങ്ങുന്നത്. എന്റെ കുട്ടിക്കാല ക്ലബ്ബുകളായ ലിൻ, ഓപ്സൽ, ഹോംലിയ എന്നിവയ്ക്കും, ലില്ലെസ്ട്രോം യൂത്ത് ടീമിനും, ഞാൻ കളിച്ച എല്ലാ സീനിയർ ക്ലബ്ബുകൾക്കും നന്ദി പറയുന്നു. ഒപ്പം ഡ്രസ്സിംഗ് റൂം പങ്കിട്ട സഹതാരങ്ങൾക്കും, ഈ യാത്രയിൽ കൂടെയുണ്ടായിരുന്ന എല്ലാ സുഹൃത്തുക്കൾക്കും നന്ദി. ദേശീയ ടീമിന്റെ ജേഴ്സി അണിയാൻ സാധിച്ചത് വലിയൊരു അഭിമാനമായി കരുതുന്നു. എന്നെ പിന്തുണച്ച എല്ലാവർക്കും നന്ദി! ടാക്ക്! താങ്ക് യു! അയോക്ക!
Advertisement