2026 ഫിഫ ലോകകപ്പിലെ ആദ്യ ഗോൾ സ്വന്തമാക്കി മെക്സിക്കോ. ദക്ഷിണാഫ്രിക്കയ്‌ക്കെതിരായ ഉദ്ഘാടന മത്സരത്തിന്റെ ഒൻപതാം മിനിറ്റിലാണ് മെക്സിക്കോ ലീഡ് നേടിയത്.

ജൂലിയൻ ക്വിനോണസാണ് ഈ ഗോൾ നേടി ചരിത്രത്തിൽ ഇടംപിടിച്ചത്. ഗോളിന് തൊട്ടുപിന്നാലെ കൗതുകകരമായ ഒരു സംഭവവും സ്റ്റേഡിയത്തിൽ അരങ്ങേറി.

ഗോൾ വീണ ഉടൻ തന്നെ ടിവിയിൽ മത്സരം കണ്ടുകൊണ്ടിരുന്ന ആരാധകർ മെക്സിക്കോയുടെ പരമ്പരാഗത സംഗീതമായ മരിയാച്ചി ബാന്റ് മ്യൂസിക് കേട്ടു.

ലോകകപ്പിൽ മെക്സിക്കൻ സംസ്കാരവും ആവേശവും മികച്ച രീതിയിൽ പ്രതിഫലിപ്പിക്കുന്നതിനായി കൊണ്ടുവന്ന പുതിയ പരീക്ഷണമാണിതെന്നാണ് വിലയിരുത്തൽ.

ഗോളിന് ശേഷമുള്ള ഈ സംഗീത പ്രയോഗത്തോട് ആരാധകർ രസകരമായ പ്രതികരണങ്ങളാണ് എക്സ് (ട്വിറ്റർ) വഴി പങ്കുവെക്കുന്നത്.

Yuckysf: “മരിയാച്ചി മ്യൂസിക് ഗോൾ ആഘോഷമായി തീരുമാനിച്ചവർ ശരിക്കും പ്രതിഭകൾ തന്നെ.”

JoeBaimonte: “കളർ ടിവി വന്നതിന് ശേഷം പ്രൊഫഷണൽ ഫുട്ബോളിൽ സംഭവിച്ച ഏറ്റവും പ്രധാനപ്പെട്ട കാര്യമാണ് മെക്സിക്കോയുടെ ഗോളിന് ശേഷമുള്ള ഈ മരിയാച്ചി സംഗീതം.”

Carmonte: “റെസ്ലിംഗിലെ പോലെ ഓരോ ടീമിനും വ്യത്യസ്തമായ ഗോൾ മ്യൂസിക് ഈ ലോകകപ്പിൽ ഉണ്ടോ എന്ന് സംശയമുണ്ട്? മെക്സിക്കോ മരിയാച്ചി ആണെങ്കിൽ മറ്റുള്ളവർക്ക് എന്തായിരിക്കും? യുഎസ്എയ്ക്ക് മിയയുടെ പേപ്പർ പ്ലെയിൻസ് ആയിരിക്കാം.”

Messadiss: “ദക്ഷിണാഫ്രിക്ക ഒരു ഗോൾ അടിച്ചിരുന്നെങ്കിൽ എന്ന് ഞാൻ ആഗ്രഹിക്കുന്നു, കാരണം അപ്പോൾ അവർ അമാപിയാനോ സംഗീതം പ്ലേ ചെയ്യുമോ എന്ന് കാണണമല്ലോ.”

Samthihero: “മെക്സിക്കോയുടെ ആ ഗോളും മരിയാച്ചി ആഘോഷവും എന്നെ വല്ലാതെ ആകർഷിച്ചു.”