ഡച്ച് ക്ലബ് അയാക്‌സിൻ്റെ പുതിയ പരിശീലകനായി സ്പാനിഷ് മാനേജർ മിഷേൽ ചുമതലയേൽക്കുന്നു. 2028 വരെ നീളുന്ന കരാറിൽ അദ്ദേഹം ഒപ്പുവെച്ചതായി ഫുട്ബോൾ ട്രാൻസ്ഫർ വിദഗ്ധൻ ഫാബ്രിസിയോ റൊമാനോയാണ് റിപ്പോർട്ട് ചെയ്തത്.

ഔദ്യോഗിക പ്രഖ്യാപനം ഉടൻ തന്നെ ഉണ്ടാകും.

അഞ്ച് വർഷത്തെ സേവനത്തിന് ശേഷം മിഷേൽ അടുത്തിടെ ജിറോണ വിട്ടിരുന്നു. കഴിഞ്ഞ സീസണിൽ ലാലിഗയിൽ നിന്ന് രണ്ടാം ഡിവിഷനിലേക്കുള്ള ജിറോണയുടെ തരംതാഴ്ത്തൽ വലിയ തിരിച്ചടിയായിരുന്നു.

മറുഭാഗത്ത്, അയാക്‌സിനും 2025/26 സീസൺ അത്ര മികച്ചതായിരുന്നില്ല. എറെഡിവിസിയിൽ അഞ്ചാം സ്ഥാനത്ത് ഫിനിഷ് ചെയ്ത അയാക്സിന് കോൺഫറൻസ് ലീഗ് യോഗ്യതാ റൗണ്ടിൽ മാത്രമാണ് ഇടം നേടാനായത്.