“ബാഴ്‌സലോണയിൽ നിന്ന് അവർ എറ്റോയെ പുറത്താക്കുകയായിരുന്നു. അവർക്ക് അദ്ദേഹത്തെ വേണ്ടായിരുന്നു. സ്ലാറ്റൻ ഇബ്രാഹിമോവിച്ചിനെ ടീമിലെത്തിക്കാൻ അവർ ആഗ്രഹിച്ചു, അതിനായി എറ്റോ ക്ലബ്ബ് വിടണമെന്ന് അവർ നിർബന്ധം പിടിച്ചു,” മൗറീഞ്ഞോ പറഞ്ഞു.

“എറ്റോ ബാഴ്‌സലോണ വിട്ട് ഇന്റർ മിലാനിലേക്ക് പോയി. തുടർന്ന് ചാമ്പ്യൻസ് ലീഗ് സെമിഫൈനലിൽ ബാഴ്‌സലോണ തന്നെ എതിരാളികളായി വന്നു. ആ താരത്തെ പ്രചോദിപ്പിക്കാൻ ഞാൻ എന്തെങ്കിലും ചെയ്യേണ്ടതുണ്ടെന്ന് നിങ്ങൾ കരുതുന്നുണ്ടോ? എനിക്കൊന്നും ചെയ്യേണ്ടി വന്നില്ല. എറ്റോ സ്വയം അതിന് തയ്യാറായിരുന്നു. അദ്ദേഹത്തിന് വിജയിക്കണമായിരുന്നു.”

“ബാഴ്‌സലോണയെ ചാമ്പ്യൻസ് ലീഗിൽ നിന്ന് പുറത്താക്കാനാണ് എറ്റോ ആഗ്രഹിച്ചത്. അവരെ തോൽപ്പിക്കാനും എന്ത് വിലകൊടുത്തും ചാമ്പ്യൻസ് ലീഗ് കിരീടം നേടാനും അദ്ദേഹം ലക്ഷ്യമിട്ടിരുന്നു.”

“ഞാൻ ഒന്നും ചെയ്തില്ല,” മൗറീഞ്ഞോ കൂട്ടിച്ചേർത്തു.

ആ സീസണിൽ മൗറീഞ്ഞോയും എറ്റോയും ചാമ്പ്യൻസ് ലീഗ് കിരീടം സ്വന്തമാക്കി. അതേസമയം, ബാഴ്‌സലോണയിൽ വെച്ച് ചാമ്പ്യൻസ് ലീഗ് കിരീടം നേടാൻ കഴിയാതെയാണ് ഇബ്രാഹിമോവിച്ചിന്റെ ആ ക്ലബ്ബിലെ കരിയർ അവസാനിച്ചത്.