നാപ്പോളി നഹുവൽ മൊളീനയെ ടീമിലെത്തിക്കാൻ ഒരുങ്ങുന്നു
സ്പോർട്ട് മീഡിയസെറ്റിന്റെ റിപ്പോർട്ടുകൾ പ്രകാരം, ഈ വേനൽക്കാലത്ത് അത്ലറ്റികോ മാഡ്രിഡിന്റെ റൈറ്റ് ബാക്കായ നഹുവൽ മൊളീനയെ സൈൻ ചെയ്യാൻ നാപ്പോളി താല്പര്യം പ്രകടിപ്പിച്ചു.
അർജന്റീനൻ ഫുൾ-ബാക്കിനെ ടീമിലെത്തിക്കാൻ ഹെഡ് കോച്ച് മാസിമിലിയാനോ അലെഗ്രി ആവശ്യപ്പെട്ടിട്ടുണ്ട്. 15 ദശലക്ഷം യൂറോയാണ് മൊളീനയ്ക്കായി അത്ലറ്റികോ ആവശ്യപ്പെടുന്ന തുക. ഈ തുക നൽകാൻ നാപ്പോളി തയ്യാറാണെങ്കിലും, താരത്തിന്റെ പ്രതിഫലം കുറയ്ക്കാനാണ് ക്ലബ്ബ് ശ്രമിക്കുന്നത്.
ഇതിനൊരു പരിഹാരമെന്ന നിലയിൽ, മത്തിയാസ് ഒലിവേരയെ അത്ലറ്റികോയിലേക്ക് മാറ്റുന്ന ഒരു സ്വാപ് ഡീലിനെക്കുറിച്ച് ഇറ്റാലിയൻ ക്ലബ്ബ് ആലോചിക്കുന്നുണ്ട്. ഗെറ്റാഫെയിൽ കളിച്ചിരുന്ന സമയത്ത് തന്നെ മത്തിയാസ് ഒലിവേരയെ അത്ലറ്റികോ പരിശീലകൻ ഡീഗോ സിമിയോണിക്ക് വലിയ മതിപ്പാണ്.
നിലവിൽ അർജന്റീനയുടെ ലോകകപ്പ് സ്ക്വാഡിലെ അംഗമായ മൊളീന, കഴിഞ്ഞ സീസണിൽ അത്ലറ്റികോയ്ക്കായി 46 മത്സരങ്ങളിൽ കളിച്ചു. രണ്ട് ഗോളുകളും നാല് അസിസ്റ്റുകളുമാണ് താരം കഴിഞ്ഞ സീസണിൽ സ്വന്തമാക്കിയത്.