2026 ഫിഫ ലോകകപ്പിൽ സ്‌കോട്ട്‌ലൻഡിനെതിരായ മത്സരത്തിൽ ബ്രസീലിനായി കളത്തിലിറങ്ങിയ നെയ്മർ ജൂനിയർ ഏറെ വികാരാധീനനായി. മത്സരത്തിൽ ബ്രസീൽ എതിരില്ലാത്ത മൂന്ന് ഗോളുകൾക്ക് സ്‌കോട്ട്‌ലൻഡിനെ പരാജയപ്പെടുത്തി.

മത്സരത്തിന്റെ രണ്ടാം പകുതിയിലാണ് താരം പകരക്കാരനായി ഇറങ്ങിയത്. 2023 ഒക്ടോബറിന് ശേഷം ആദ്യമായാണ് നെയ്മർ ബ്രസീലിയൻ ജഴ്‌സി അണിയുന്നത്. ഏകദേശം 981 ദിവസത്തെ ഇടവേളയ്ക്ക് ശേഷമാണ് അദ്ദേഹം ടീമിലേക്ക് മടങ്ങിയെത്തിയത്.

സ്‌കോട്ട്‌ലൻഡിനെതിരായ മത്സരത്തിന് ശേഷമുള്ള തന്റെ വികാരങ്ങൾ താരം പങ്കുവെച്ചു. “ഇതൊരു മികച്ച നിമിഷമാണ്! നൂറു ശതമാനവും അതിശയകരമായ ഒന്ന്. നന്ദി,” എന്ന് നെയ്മർ പറഞ്ഞു.

മടങ്ങിവരവിൽ ഗോൾ കണ്ടെത്താൻ നെയ്മറിന് സാധിച്ചില്ലെങ്കിലും, ഈ ആത്മവിശ്വാസത്തോടെ ലോകകപ്പിൽ ബ്രസീലിനായി കൂടുതൽ മികച്ച പ്രകടനം പുറത്തെടുക്കാമെന്ന പ്രതീക്ഷയിലാണ് താരം.