ഞായറാഴ്ച നടക്കുന്ന പ്രീമിയർ ലീഗ് ഫൈനൽ മത്സരദിനത്തിൽ കനത്ത ചൂട് അനുഭവപ്പെടാൻ സാധ്യതയുള്ളതിനാൽ, മുൻകരുതൽ നടപടികളുമായി അധികൃതർ രംഗത്ത്. മത്സരത്തുടക്കത്തിൽ താപനില 30 ഡിഗ്രി സെൽഷ്യസിന് മുകളിൽ ഉയർന്നാൽ നിർബന്ധിത കൂളിങ് ബ്രേക്കുകൾ ഏർപ്പെടുത്താനാണ് പ്രീമിയർ ലീഗ് അധികൃതരുടെ തീരുമാനം.

ലീഗിന്റെ ഔദ്യോഗിക മാച്ച്‌ഡേ ഓപ്പറേഷൻസ് മാനുവൽ പ്രകാരം, ഓരോ പകുതിയിലും രണ്ട് മിനിറ്റ് വീതമാണ് ഇടവേള അനുവദിക്കുക. മത്സരം തുടങ്ങുന്നതിന് മുൻപുള്ള ബ്രീഫിംഗിൽ റഫറിയും ഇരു ടീമുകളും തമ്മിൽ ചർച്ച ചെയ്ത് ഈ തീരുമാനം ഉറപ്പാക്കേണ്ടതുണ്ട്.

വെള്ളം കുടിക്കാനായി എടുക്കുന്ന ഈ സമയം ഓരോ പകുതിയുടെയും അവസാനം സ്റ്റോപ്പേജ് ടൈമായി ചേർക്കുന്നതിനാൽ, മത്സരം സാധാരണയിലും കൂടുതൽ സമയം നീണ്ടുനിൽക്കും.