ജൂലിയൻ ആൽവാരസിനെ സ്വന്തമാക്കാൻ ഔദ്യോഗിക നീക്കവുമായി പിഎസ്ജി രംഗത്തെത്തി. ബുഡാപെസ്റ്റിൽ ആഴ്‌സണലിനെതിരായ ചാമ്പ്യൻസ് ലീഗ് ഫൈനലിന് മുൻപായി 120 ദശലക്ഷം യൂറോയും രണ്ട് കളിക്കാരെയും ഉൾപ്പെടുത്തിയാണ് അത്ലറ്റിക്കോ മാഡ്രിഡിന് പിഎസ്ജി ട്രാൻസ്ഫർ ഓഫർ സമർപ്പിച്ചത്.

റിപ്പോർട്ടർ ഇനാകി വില്ലലോൺ ഡി ലിനോസ് പറയുന്നതനുസരിച്ച്, അർജന്റീന താരത്തിന് പ്രതിവർഷം 22 ദശലക്ഷം യൂറോ ശമ്പള പാക്കേജാണ് പിഎസ്ജി വാഗ്ദാനം ചെയ്യുന്നത്. നിലവിൽ ഉസ്മാൻ ഡെംബെലെക്ക് ലഭിക്കുന്നതിന് തുല്യമായ തുകയാണിത്.

ഈ ഓഫറിൽ ഉൾപ്പെടുത്തിയിരിക്കുന്ന രണ്ട് താരങ്ങൾ കാങ്-ഇൻ ലീയും ഗോൺസാലോ റാമോസുമാണ്. അത്ലറ്റിക്കോ സ്പോർട്ടിംഗ് ഡയറക്ടർ മാറ്റിയു അലെമാനിക്ക് ഈ രണ്ട് താരങ്ങളിലും താല്പര്യമുണ്ട്. ബാഴ്‌സലോണയും ജൂലിയൻ ആൽവാരസിനായി രംഗത്തുണ്ടെങ്കിലും പിഎസ്ജിയുടെ സാമ്പത്തിക ശേഷിയോട് കിടപിടിക്കാൻ അവർക്ക് സാധിക്കുന്നില്ല.