2026 ഫിഫ ലോകകപ്പ് ഉദ്ഘാടന മത്സരത്തിൽ ദക്ഷിണാഫ്രിക്കയ്‌ക്കെതിരെ മെക്സിക്കോയ്ക്ക് 2-0 ലീഡ് നേടിക്കൊടുക്കുന്നതിൽ റൗൾ ജിമെനെസ് നിർണായകമായി. തന്റെ കരിയറിലെ ആദ്യ ലോകകപ്പ് ഗോളാണ് ഈ മത്സരത്തിൽ താരം സ്വന്തമാക്കിയത്.

മത്സരത്തിലുടനീളം കഠിനാധ്വാനം ചെയ്ത വോൾവ്സ് സ്ട്രൈക്കറുടെ പരിശ്രമങ്ങൾ 67-ാം മിനിറ്റിൽ ഫലം കണ്ടു.

ബാക്ക്പോസ്റ്റിൽ സ്ഥാനം കണ്ടെത്തിയ ജിമെനെസിലേക്ക് കൃത്യമായ ഒരു ക്രോസ് എത്തിച്ചേരുകയായിരുന്നു.

ശക്തമായ ഒരു ഹെഡറിലൂടെ പന്ത് വലയിലെത്തിച്ച ജിമെനെസ് തകർപ്പൻ ശൈലിയിൽ തന്റെ ആദ്യ ലോകകപ്പ് ഗോൾ കുറിച്ചു.

ഈ ഗോളോടെ മെക്സിക്കൻ ഫുട്ബോൾ ടീമിന്റെ ചരിത്രത്തിൽ ഏറ്റവും കൂടുതൽ ഗോൾ നേടുന്ന രണ്ടാമത്തെ താരമായി ജിമെനെസ് മാറി. അദ്ദേഹത്തിന്റെ 46-ാമത് അന്താരാഷ്ട്ര ഗോളാണിത്.

ഗോൾ ആഘോഷിക്കുന്നതിനിടെ റൗൾ വികാരാധീനനായി പൊട്ടിക്കരഞ്ഞു.

35-ാം വയസ്സിൽ ആദ്യമായി ലോകകപ്പ് ഗോൾ നേടാനായതിന്റെ അഭിമാനമാണ് അദ്ദേഹത്തെ കണ്ണീരണിയിച്ചത്.

2020-ൽ സംഭവിച്ച ഗുരുതരമായ തലയ്ക്ക് പരിക്കേറ്റതിനെ തുടർന്ന് സംരക്ഷണ കവചം (protective headgear) ധരിച്ചാണ് അദ്ദേഹം കളിക്കുന്നത്. ആ വലിയ പ്രതിസന്ധിയിൽ നിന്നും തിരിച്ചുവന്ന് മെക്സിക്കോയ്ക്കായി കളിക്കാനും 2026 ലോകകപ്പിൽ ഗോൾ നേടാനും സാധിച്ചത് താരത്തെ ഏറെ വൈകാരികമാക്കുകയായിരുന്നു.