റയൽ മാഡ്രിഡ് പ്രസിഡന്റ് സ്ഥാനാർത്ഥി എൻറിക് റിക്വെൽമെ ക്ലബ്ബിന്റെ ഔദ്യോഗിക ടെലിവിഷൻ ചാനലിന്റെ പ്രവർത്തനങ്ങളെയും സാമ്പത്തിക പ്രകടനത്തെയും രൂക്ഷമായി വിമർശിച്ചു.

“റയൽ മാഡ്രിഡ് ടിവിയുടെ ബജറ്റ് ഏകദേശം 40-45 ദശലക്ഷം യൂറോയാണ്. എന്നാൽ ചാനലിന്റെ പ്രേക്ഷക പങ്കാളിത്തം വെറും 0.1 ശതമാനം മാത്രമാണ്. സിനിമകൾ കാണിക്കുമ്പോൾ ഇത് 0.2 ശതമാനമായി ഉയരുന്നു. ക്ലബ്ബിന്റെ ടിവി സാമ്പത്തികമായി മെച്ചപ്പെടേണ്ടതുണ്ട്. അക്കാദമി, ഫസ്റ്റ് ടീം, കളിക്കാർ എന്നിവയെ ഉപയോഗിച്ച് മികച്ച ഉള്ളടക്കം നിർമ്മിക്കാൻ ചാനലിന് സാധിക്കും. ക്ലബ്ബ് അംഗങ്ങളെയും റയൽ ആരാധകരെയും വിവരങ്ങൾ അറിയിക്കുന്ന രീതിയിൽ മികച്ച കണ്ടന്റുകൾ നമുക്ക് സൃഷ്ടിക്കാൻ കഴിയും,” റിക്വെൽമെ പറഞ്ഞു.

“ഇതൊരു വിഭാഗീയമായ മാധ്യമമായി മാറരുത്. പകരം, ആരാധകരെ വിവരങ്ങൾ അറിയിച്ചും രസിപ്പിച്ചും മാഡ്രിഡിസ്റ്റകളെ ആകർഷിക്കാൻ ചാനലിന് കഴിയണം. ഒപ്പം, ലോകമെമ്പാടുമുള്ള ആരാധകരെ ആകർഷിക്കുന്ന ഒരു കേന്ദ്രമായി ഇത് മാറണം. കൂടാതെ, 40-45 ദശലക്ഷം യൂറോ ബജറ്റ് ചിലവാക്കുന്നതിന് പകരം ചാനൽ ലാഭകരമായി പ്രവർത്തിക്കുകയാണ് വേണ്ടത്,” റിക്വെൽമെ കൂട്ടിച്ചേർത്തു.