റയൽ മാഡ്രിഡും റിയൽ ബെറ്റിസും തമ്മിലുള്ള മത്സരത്തിന് ശേഷമുണ്ടായ വിവാദങ്ങൾക്കിടെ, മാച്ച് ഒഫീഷ്യലുകൾക്ക് പൂർണ്ണ പിന്തുണയുമായി സ്പാനിഷ് റഫറീസ് യൂണിയനായ AESAF രംഗത്തെത്തി.

റഫറിമാരെ ഉപദ്രവിക്കുന്നതിനും ലക്ഷ്യം വെക്കുന്നതിനുമുള്ള ആഹ്വാനങ്ങൾക്കെതിരെ ഔദ്യോഗിക പ്രസ്താവനയിലൂടെ യൂണിയൻ ശക്തമായ പ്രതിഷേധം അറിയിച്ചു. ഇത്തരം നടപടികൾ അതിരുകടക്കുന്നതും അപകടകരവുമാണെന്ന് യൂണിയൻ വ്യക്തമാക്കി.

മത്സരത്തിന് ശേഷം റഫറി സീസർ സോട്ടോ ഗ്രാഡോയെയും വാർ (VAR) ഒഫീഷ്യൽ പാബ്ലോ ഗോൺസാലസ് ഫ്യൂർട്ടസിനെയും അൽവാരോ അർബെലോ പരസ്യമായി വിമർശിച്ചതിനെ തുടർന്നാണ് ഈ പ്രതികരണം.

വിദ്വേഷം വളർത്തുന്ന തരത്തിലുള്ള ഉള്ളടക്കങ്ങൾക്കെതിരെ നിയമനടപടികൾ സ്വീകരിക്കുമെന്ന് AESAF മുന്നറിയിപ്പ് നൽകി. ഇതിന്റെ ഭാഗമായി ബന്ധപ്പെട്ട അധികാരികൾക്കും പ്ലാറ്റ്‌ഫോമുകൾക്കും പരാതി നൽകുമെന്നും അവർ അറിയിച്ചു.

‘എൽ ചിരിംഗിറ്റോ ടിവി’യിൽ (El Chiringuito TV) നടന്ന ചർച്ചയിലെ പരാമർശങ്ങളും വിവാദത്തിന് വഴിവെച്ചിട്ടുണ്ട്. റഫറിക്കെതിരെ സംഘടിതമായി നീങ്ങണമെന്ന് ഒരു പണ്ഡിറ്റ് അഭിപ്രായപ്പെട്ടതായാണ് റിപ്പോർട്ട്.

ഫുട്ബോളിന്റെ സുരക്ഷയും വിശ്വാസ്യതയും നിലനിർത്താൻ റഫറിമാരോടുള്ള ബഹുമാനം അത്യന്താപേക്ഷിതമാണെന്ന് യൂണിയൻ വ്യക്തമാക്കി.