എസ്‌സി ഫ്രീബർഗിനെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തി വിഎഫ്ബി സ്റ്റട്ട്ഗാർട്ട് ജർമ്മൻ കപ്പ് ഫൈനലിലേക്ക് മുന്നേറി. അധികസമയത്തേക്ക് നീണ്ട പോരാട്ടത്തിനൊടുവിലാണ് സ്റ്റട്ട്ഗാർട്ട് തുടർച്ചയായ രണ്ടാം തവണയും ഫൈനൽ ഉറപ്പിച്ചത്.

തീവ്രമായ പോരാട്ടങ്ങൾ കണ്ട മത്സരത്തിന്റെ 28-ാം മിനിറ്റിൽ മാക്സിമിലിയൻ എഗ്‌സ്റ്റെയ്‌നിലൂടെ ഫ്രീബർഗ് ആണ് ആദ്യം ഗോൾ നേടിയത്.

തുടർന്ന് 70-ാം മിനിറ്റിൽ ഡെനിസ് ഉന്ദാസ് ഗോൾ മടക്കിയതോടെ മത്സരം അധികസമയത്തേക്ക് നീണ്ടു. ഒടുവിൽ 119-ാം മിനിറ്റിൽ ടിയാഗോ തോമസ് വിജയഗോൾ നേടി സ്റ്റട്ട്ഗാർട്ടിന് ജയം സമ്മാനിച്ചു.

ഡിഎഫ്ബി പോക്കൽ ഫൈനലിൽ ബയേണിനെയാണ് സ്റ്റട്ട്ഗാർട്ട് നേരിടുക. വലിയ ആവേശമുയർത്തുന്ന ഒരു മത്സരത്തിനാണ് ഫുട്ബോൾ ലോകം സാക്ഷ്യം വഹിക്കാൻ പോകുന്നത്.