തന്റെ പോഡ്‌കാസ്റ്റിൽ സംസാരിക്കവെ, ജർമ്മനിയുടെയും റയൽ മാഡ്രിഡിന്റെയും ഇതിഹാസതാരം ടോണി ക്രൂസ് ഇംഗ്ലീഷ് സൂപ്പർ താരം ജൂഡ് ബെല്ലിംഗാം തന്റെ ഏറ്റവും പ്രിയപ്പെട്ട കളിക്കാരിൽ ഒരാളാണെന്ന് വ്യക്തമാക്കി.

“ജൂഡ് ബെല്ലിംഗ്ഹാം എന്റെ ഏറ്റവും പ്രിയപ്പെട്ട കളിക്കാരിൽ ഒരാളാണ്. ഒരു കളിക്കാരന് വേണ്ടതെല്ലാം അവനിലുണ്ട്,” ക്രൂസ് പറഞ്ഞു.

“മികച്ച ഫുട്ബോൾ ബുദ്ധി, പ്രതിരോധത്തിലെ കരുത്ത്, ഇരു കാലുകൾ കൊണ്ടും തല കൊണ്ടും ലക്ഷ്യം കാണാനുള്ള കഴിവ്, മികച്ച മാനസികാവസ്ഥ, കളിയിലുള്ള വ്യക്തമായ ധാരണ എന്നിവ അവനുണ്ട്.”

“ആളുകൾ ഇത് ശ്രദ്ധിക്കുന്നുണ്ടോ എന്ന് എനിക്കറിയില്ല, പക്ഷേ ഞാൻ അവന്റെ വലിയൊരു ആരാധകനാണ്,” ക്രൂസ് കൂട്ടിച്ചേർത്തു.

ഫുട്ബോളിൽ നിന്ന് വിരമിക്കുന്നതിന് മുൻപ് റയൽ മാഡ്രിഡിൽ ഒരു സീസൺ മാത്രമാണ് ക്രൂസും ബെല്ലിംഗാമും ഒരുമിച്ച് കളിച്ചത്.

അതേസമയം, 2026 ഫിഫ ലോകകപ്പിൽ ക്രൊയേഷ്യയ്‌ക്കെതിരായ ആദ്യ മത്സരത്തിൽ തന്നെ ബെല്ലിംഗ്ഹാം ഇംഗ്ലണ്ടിനായി ഗോൾ നേടിയിട്ടുണ്ട്.