യൂറോപ്പിലെ മികച്ച അണ്ടർ-23 ഫുട്ബോൾ താരങ്ങളുടെ പട്ടികയിൽ ലമിൻ യമാൽ ഒന്നാമത്
യൂറോപ്പിലെ ഏഴ് പ്രധാന ഫുട്ബോൾ ലീഗുകളിലെ അണ്ടർ-23 താരങ്ങളുടെ പ്രകടനം വ്യക്തമാക്കുന്ന കണക്കുകൾ പുറത്തുവന്നു. കളിക്കളത്തിൽ ഏറ്റവും കൂടുതൽ ‘കീ പാസുകൾ’ (Key Passes) നൽകിയ യുവതാരങ്ങളുടെ വിവരങ്ങളാണ് പുറത്തുവന്നത്.
യൂറോപ്പിലെ ഏഴ് പ്രധാന ലീഗുകളിലെ അണ്ടർ-23 ഫുട്ബോൾ താരങ്ങൾ നൽകിയ കീ പാസുകളുടെ അടിസ്ഥാനത്തിലുള്ള കണക്കുകളാണ് ഇപ്പോൾ പുറത്തുവന്നിരിക്കുന്നത്.
ബാഴ്സലോണയുടെ 18 വയസ്സുള്ള മുന്നേറ്റനിര താരം ലമിൻ യമാൽ ആണ് പട്ടികയിൽ ഒന്നാമത്. യമാൽ ഇതുവരെ 41 കീ പാസുകളാണ് പൂർത്തിയാക്കിയത്. അയാക്സിന്റെ 20 വയസ്സുള്ള എം. ഗോഡ്സ് 39 കീ പാസുകളുമായി രണ്ടാം സ്ഥാനത്തും, ട്വെന്റെയുടെ 22 വയസ്സുള്ള എസ്. ഓർജാസേറ്റർ 34 കീ പാസുകളുമായി മൂന്നാം സ്ഥാനത്തുമാണ്.
മാഞ്ചസ്റ്റർ സിറ്റിയുടെ 22 വയസ്സുള്ള ആർ. ചെർക്കി 31 കീ പാസുകളുമായി നാലാം സ്ഥാനത്ത് നിൽക്കുന്നു. എൻ.ഇ.സിയുടെ 21 വയസ്സുള്ള എസ്. ഓയിസ്സയും ആർ.ബി ലെയ്പ്സിഗിന്റെ 19 വയസ്സുള്ള യാൻ ഡയോമൻഡും 30 വീതം കീ പാസുകൾ പൂർത്തിയാക്കി അഞ്ചാം സ്ഥാനം പങ്കിടുന്നു.