ഈ സീസണിന് ശേഷം ഗോൾകീപ്പർ ആന്ദ്രെ ഒനാനയെ ഒഴിവാക്കാൻ മാഞ്ചസ്റ്റർ യുണൈറ്റഡ് പദ്ധതിയിടുന്നതായി ഡെയ്ലി മെയിൽ റിപ്പോർട്ട് ചെയ്യുന്നു. കാമറൂൺ താരമായ ഒനാനയ്ക്ക് ഓൾഡ് ട്രാഫോർഡിലേക്ക് മടങ്ങിയെത്താൻ താല്പര്യമുണ്ടെങ്കിലും ക്ലബ്ബ് അത്തരമൊരു തീരുമാനത്തിലല്ല.

നിലവിൽ തുർക്കിയിലെ ട്രാബ്സോൺസ്പോറിൽ ലോൺ അടിസ്ഥാനത്തിൽ കളിക്കുകയാണ് ഒനാന. ഇവിടെ സ്ഥിരമായി കളിക്കാൻ അവസരം ലഭിക്കുന്നുണ്ടെന്നും താരം വ്യക്തമാക്കുന്നു. ജൂണിൽ മാഞ്ചസ്റ്ററിലേക്ക് മടങ്ങിയെത്തി സെൻ ലമ്മൻസിനൊപ്പം ക്ലബ്ബിന്റെ ഒന്നാം നമ്പർ ഗോൾകീപ്പർ സ്ഥാനത്തിനായി മത്സരിക്കാനാണ് ഒനാന ആഗ്രഹിക്കുന്നത്.

എങ്കിലും, ഒനാനയെ ടീമിലേക്ക് തിരിച്ചെടുക്കാൻ മാഞ്ചസ്റ്റർ യുണൈറ്റഡിന് പദ്ധതിയൊന്നുമില്ല. താരത്തിന്റെ കരാർ കാലാവധിയിൽ ഇനിയും രണ്ട് വർഷം ബാക്കിയുണ്ടെങ്കിലും, അദ്ദേഹത്തെ സ്ഥിരമായി വിൽക്കാനാണ് ക്ലബ്ബ് ശ്രമിക്കുന്നത്. യൂറോപ്യൻ, സൗദി ക്ലബ്ബുകൾ താരത്തെ സ്വന്തമാക്കാൻ താല്പര്യം പ്രകടിപ്പിച്ചിട്ടുണ്ട്.