റയൽ മാഡ്രിഡ് പ്രസിഡന്റ് തിരഞ്ഞെടുപ്പിൽ മത്സരിക്കുന്ന എൻറിക് റിക്വൽമെ നിർണ്ണായകമായ നീക്കത്തിനൊരുങ്ങുന്നതായി ‘എൽ ലാർഗുറോ’ റിപ്പോർട്ട് ചെയ്യുന്നു.

തിരഞ്ഞെടുപ്പിൽ വിജയിച്ചാൽ പുതിയ പരിശീലകനെയും രണ്ട് പ്രമുഖ താരങ്ങളെയും ടീമിലെത്തിക്കുമെന്ന് എൻറിക് റിക്വൽമെ പ്രഖ്യാപിക്കുമെന്ന് മാധ്യമപ്രവർത്തകൻ മനു കാരെനോ വ്യക്തമാക്കി.

സ്പാനിഷ് സ്‌പോർട്‌സ് റേഡിയോ പ്രക്ഷേപണത്തിനിടെയാണ്, പുതിയ പരിശീലകനെയും രണ്ട് കളിക്കാരെയും റിക്വൽമെ പ്രഖ്യാപിക്കുമെന്ന് കാരെനോ വെളിപ്പെടുത്തിയത്.

എന്നാൽ, പുതിയ പരിശീലകനായി ജോസ് മൗറീഞ്ഞോയെ കൊണ്ടുവരുന്നതിനെ റിക്വൽമെ നേരത്തെ വിമർശിച്ചിട്ടുള്ളതിനാൽ അദ്ദേഹം ആ സ്ഥാനത്തേക്ക് വരാൻ സാധ്യത കുറവാണ്.

പ്രസിഡന്റ് തിരഞ്ഞെടുപ്പിന് മുന്നോടിയായി ഈ മൂന്ന് പ്രമുഖരുമായി ധാരണയിലെത്തിയതായും ബിസിനസുകാരനായ റിക്വൽമെ ഇതിനകം തന്നെ കരാർ ഉറപ്പിച്ചതായും റിപ്പോർട്ടുകളുണ്ട്.

ഈ പ്രഖ്യാപനം പരമാവധി വൈകിപ്പിക്കാനാണ് താരങ്ങളും പരിശീലകനും ആവശ്യപ്പെട്ടിരിക്കുന്നതെന്ന് കാരെനോ കൂട്ടിച്ചേർത്തു.