മാഞ്ചസ്റ്റർ സിറ്റി വിടുന്ന ക്യാപ്റ്റൻ ബെർണാഡോ സിൽവയെ സൗജന്യ ട്രാൻസ്ഫറിലൂടെ സ്വന്തമാക്കാൻ ബാഴ്‌സലോണ ഒരുങ്ങുന്നതായി ജേണലിസ്റ്റ് സാന്തി ഔന റിപ്പോർട്ട് ചെയ്യുന്നു.

ഇംഗ്ലീഷ് വിംഗർ ആന്റണി ഗോർഡന് ശേഷം ബാഴ്‌സലോണ നടത്തുന്ന രണ്ടാമത്തെ വലിയ സൈനിംഗാകും മുപ്പത്തിയൊന്നുകാരനായ ഈ പ്ലേമേക്കർ.

സിൽവയുമായി 2028 വരെ നീളുന്ന രണ്ട് വർഷത്തെ കരാറിൽ ഒപ്പുവെക്കാനാണ് സാധ്യത. ഒരു വർഷം കൂടി കരാർ നീട്ടാനുള്ള ഓപ്ഷനും ഇതിൽ ഉൾപ്പെടുന്നു.

പ്രശസ്ത ഏജന്റ് ജോർജ് മെൻഡസുമായി ചേർന്ന് പ്രതിവർഷം 8 ദശലക്ഷം യൂറോ ശമ്പളത്തിൽ കരാർ അന്തിമമാക്കാനുള്ള ശ്രമത്തിലാണ് ലാലിഗ ചാമ്പ്യൻമാർ.

ബാഴ്‌സലോണയ്ക്ക് വേണ്ടി കളിക്കുകയെന്ന തന്റെ ചിരകാല സ്വപ്നം സാക്ഷാത്കരിക്കാനാണ് അത്ലറ്റിക്കോ മാഡ്രിഡിന്റെ മികച്ച സാമ്പത്തിക വാഗ്ദാനം പോലും നിരസിച്ചുകൊണ്ട് പോർച്ചുഗീസ് താരം ഈ തീരുമാനമെടുത്തത്.