പ്രീമിയർ ലീഗ് കിരീടം സ്വന്തമാക്കിയ ആഴ്സണൽ ചാമ്പ്യൻസ് ലീഗ് ഫൈനലിന് തയ്യാറെടുക്കുന്നു
പ്രീമിയർ ലീഗ് കിരീടം സ്വന്തമാക്കിയ ആവേശത്തിന് പിന്നാലെ ചാമ്പ്യൻസ് ലീഗ് ഫൈനലിനായുള്ള തയ്യാറെടുപ്പിലാണ് ആഴ്സണൽ.
കഴിഞ്ഞ രണ്ട് സീസണുകളിലെ യൂറോപ്പിലെ മികച്ച ടീമായ പിഎസ്ജിയെയാണ് ആഴ്സണൽ ഫൈനലിൽ നേരിടുന്നത്. പിഎസ്ജി പരിശീലകൻ ലൂയിസ് എൻറിക്കെയെക്കുറിച്ച് ആഴ്സണൽ ഗോൾകീപ്പർ ഡേവിഡ് റായ തന്റെ അഭിപ്രായങ്ങൾ പങ്കുവെച്ചു.
ലൂയിസ് എൻറിക്കെയെ തനിക്ക് നന്നായി അറിയാമെന്ന് റായ പറഞ്ഞു. തന്റെ ദേശീയ ടീം അരങ്ങേറ്റത്തിന് അവസരം നൽകിയത് അദ്ദേഹമാണെന്നും വലിയ ബഹുമാനം അദ്ദേഹത്തോടുണ്ടെന്നും താരം വ്യക്തമാക്കി.
“അദ്ദേഹം മികച്ചൊരു പരിശീലകനും നല്ലൊരു വ്യക്തിയുമാണ്. എതിരാളികളെ പ്രതിരോധത്തിലാക്കാൻ തന്ത്രങ്ങളിൽ നിരന്തരം മാറ്റങ്ങൾ വരുത്താൻ അദ്ദേഹം ശ്രമിക്കാറുണ്ട്. എങ്കിലും ആ പോരാട്ടത്തിൽ വിജയിച്ച് ചാമ്പ്യൻസ് ലീഗ് കിരീടം സ്വന്തമാക്കാമെന്നാണ് ഞങ്ങൾ കരുതുന്നത്” എന്ന് റായ കൂട്ടിച്ചേർത്തു.