2026 ലോകകപ്പ് ഫുട്ബോൾ ഗ്രൂപ്പ് ജി മത്സരത്തിൽ ബെൽജിയവും ഈജിപ്തും തമ്മിൽ ഇന്ന് സിയാറ്റിലിൽ ഏറ്റുമുട്ടും. പതിനഞ്ചാം തവണ ലോകകപ്പ് ഫൈനൽസിൽ കളിക്കാൻ ഇറങ്ങുന്ന ബെൽജിയവും, തങ്ങളുടെ നാലാം ലോകകപ്പിൽ മത്സരിക്കുന്ന ഈജിപ്തും വലിയ പ്രതീക്ഷയിലാണ് ഈ മത്സരത്തെ നോക്കിക്കാണുന്നത്.
കെവിൻ ഡി ബ്രൂയ്ൻ, തിബോ കോർട്ടുവ, റോമലു ലുക്കാകു, ജെറെമി ഡോക്കു തുടങ്ങിയ സൂപ്പർ താരങ്ങളുടെ കരുത്തിലാണ് ബെൽജിയം ഇറങ്ങുന്നത്. പരിചയസമ്പന്നരായ താരങ്ങളും യുവപ്രതിഭകളും ഒത്തുചേരുന്ന ബെൽജിയം ടീം ഈ ലോകകപ്പിൽ മികച്ച പ്രകടനം പുറത്തെടുക്കുമെന്ന ആത്മവിശ്വാസത്തിലാണ്.
മറുഭാഗത്ത്, സൂപ്പർ താരം മുഹമ്മദ് സലയുടെ നേതൃത്വത്തിൽ ഈജിപ്തും വിജയത്തിനായി പൊരുതാൻ തയ്യാറായിക്കഴിഞ്ഞു. ഒമർ മാർമോഷ്, മഹ്മൂദ് ട്രെസെഗെ, മുഹമ്മദ് അബ്ദുൾമോനെം തുടങ്ങിയവരാണ് ഈജിപ്ത് ടീമിലെ മറ്റു പ്രധാന താരങ്ങൾ. വലിയ താരനിര അണിനിരക്കുന്ന ഈ മത്സരം ഫുട്ബോൾ ആരാധകർക്ക് ആവേശം പകരും.
Sun comes up, we train. ☀️⚽️ #WorldCup @BelRedDevils
— Belgian Red Devils (@BelRedDevils) June 15, 2026