ബാഴ്‌സലോണയിലെ മാധ്യമ റിപ്പോർട്ടുകൾ പ്രകാരം, ലമീൻ യമാലിന്റെ ഇടത് കാലിലെ ഹാംസ്ട്രിംഗിന് ഗ്രേഡ് 3 പരിക്ക് സംഭവിച്ചു. ഇതേത്തുടർന്ന് അഞ്ച് ആഴ്ചത്തേക്ക് താരത്തിന് കളിക്കളത്തിൽ നിന്ന് വിട്ടുനിൽക്കേണ്ടി വരും. ഈ പരിക്കോടെ നിലവിലെ ഫുട്ബോൾ സീസണിലെ ബാക്കി മത്സരങ്ങൾ താരത്തിന് നഷ്ടമാകും.

പരിക്കിനെക്കുറിച്ച് പ്രതികരിക്കവെ, കൃത്യമായ കാര്യങ്ങൾ വ്യക്തമാക്കാൻ പരിശീലകൻ ഹാൻസി ഫ്ലിക്ക് തയ്യാറായില്ല.

“ലമീൻ യമാലിന്റെ പരിക്കിന്റെ കാര്യത്തിൽ നമ്മൾ നാളെ വരെ കാത്തിരിക്കണം. നാളെയോടെ വ്യക്തമായ റിപ്പോർട്ട് ലഭിക്കും, അപ്പോൾ നമുക്ക് കാര്യങ്ങൾ പരിശോധിക്കാം,” ഫ്ലിക്ക് പറഞ്ഞു.

“ഇതൊരു നിർഭാഗ്യകരമായ കാര്യമാണ്, നമുക്കിത് അംഗീകരിക്കേണ്ടി വരും. ജാവോ കാൻസലോയെപ്പോലെ തന്നെ ബാഴ്‌സലോണയ്ക്ക് ലമീനും വളരെ പ്രധാനപ്പെട്ട താരമാണ്,” ഫ്ലിക്ക് കൂട്ടിച്ചേർത്തു.

നിലവിലെ സാഹചര്യത്തിൽ, ഈ ആഴ്ച അവസാനം നടക്കുന്ന ഗെറ്റാഫെ-ബാഴ്‌സലോണ മത്സരം ലമീൻ യമാലിനും കാൻസലോയ്ക്കും നഷ്ടമാകുമെന്ന് ഏകദേശം ഉറപ്പായിട്ടുണ്ട്.