യുഎസ് യാത്രാ നിയന്ത്രണങ്ങളിൽ ഇളവ് വേണം: ഫിഫയ്ക്ക് പരാതി നൽകാനൊരുങ്ങി ഇറാൻ

അമേരിക്കയുടെ യാത്രാ നിയന്ത്രണങ്ങൾ കാരണം, മത്സരത്തിന് ശേഷം മൂന്ന് മണിക്കൂറിനുള്ളിൽ ഇറാൻ താരങ്ങൾക്ക് ലോസ് ഏഞ്ചൽസിൽ നിന്ന് മെക്സിക്കോയിലെ പരിശീലന ക്യാമ്പിലേക്ക് മടങ്ങേണ്ടി വന്നു.

Also Read: The FIFA World Cup’s off-field drama: Achraf Hakimi’s rape trial, Thomas Partey’s charges and Elye Wahi’s betting probe

“ഇത്തരം നിയന്ത്രണങ്ങൾക്കിടയിലും ബെൽജിയത്തിനെതിരായ വരാനിരിക്കുന്ന മത്സരത്തിനായി ഇറാൻ ടീം ഒരുക്കങ്ങൾ തുടരുകയും പൂർണ്ണമായും ശ്രദ്ധ കേന്ദ്രീകരിക്കുകയും ചെയ്യും.”

ഇറാൻ-അമേരിക്ക യുദ്ധത്തെത്തുടർന്ന് ലോകകപ്പിൽ ഇറാൻ പങ്കെടുക്കുമോയെന്ന കാര്യം അനിശ്ചിതത്വത്തിലായിരുന്നു. ഫിഫയും അമേരിക്കൻ ഗവൺമെന്റും തമ്മിലുള്ള ചർച്ചകൾക്ക് ശേഷമാണ് ലോകകപ്പിന് 10 ദിവസം മുൻപ് ടീമിന് വിസ ലഭിച്ചത്.

“മത്സരത്തിന് ശേഷം ഉടൻ തന്നെ ഇവിടെ നിന്ന് മടങ്ങാൻ അവർ ആവശ്യപ്പെട്ടു. ഞങ്ങൾക്ക് റിക്കവറി വളരെ പ്രധാനപ്പെട്ടതാണ്. ഉടൻ തന്നെ വിമാനത്തിൽ കയറി മെക്സിക്കോയിലെ ക്യാമ്പിലേക്ക് മടങ്ങാനാണ് നിർദ്ദേശം ലഭിച്ചത്, ഇത് ഞങ്ങളെ ഏറെ വിഷമിപ്പിക്കുന്നു”, ഇറാൻ പരിശീലകൻ അമീർ ഗലേനോയി പറഞ്ഞു.

“അവർ ഞങ്ങളെ നിർബന്ധപൂർവ്വം നേരത്തെ മടക്കി അയക്കുകയാണ്. അവർ കാര്യങ്ങൾ കൂടുതൽ ദുഷ്കരമാക്കുകയും തടസ്സങ്ങൾ സൃഷ്ടിക്കുകയും ചെയ്യുന്നു. എന്തുകൊണ്ടാണ് ഞങ്ങളെ തിരികെ അയക്കുന്നതെന്ന് അറിയില്ല. ഇത് വളരെ വിചിത്രമാണ്. മറ്റാരോ ആണ് ഞങ്ങൾക്ക് വേണ്ടി പ്ലാനിംഗ് ചെയ്യുന്നത് പോലെ തോന്നുന്നു. മത്സരത്തിന് രണ്ട് ദിവസം മുൻപ് എത്തേണ്ടിയിരുന്ന ഞങ്ങൾക്ക് അതിന് അനുമതി ലഭിച്ചില്ല. റിക്കവറിക്കായി ഇന്ന് രാത്രി ഇവിടെ തങ്ങി നാളെ ഉച്ചയോടെ മടങ്ങാനായിരുന്നു ഞങ്ങൾ തീരുമാനിച്ചിരുന്നത്. ഈ ലോകകപ്പിലെ ഏറ്റവും അവഗണിക്കപ്പെട്ട ടീമാണ് ഞങ്ങളുടേത്. ഞങ്ങളുടെ ഫെഡറേഷനില്ല, മീഡിയയില്ല, മാനേജ്മെന്റില്ല”, അദ്ദേഹം കൂട്ടിച്ചേർത്തു.