ജിസിഇ പരീക്ഷ; ആഴ്സണൽ പരിശീലനത്തിൽ നിന്ന് വിട്ടുനിന്ന് മാക്സ് ഡൗമാൻ

വ്യാഴാഴ്ച നടന്ന പരിശീലന സെഷനിൽ ആഴ്സണൽ ടീമിലെ ഭൂരിഭാഗം താരങ്ങളും പങ്കെടുത്തു. പരിക്കിൽ നിന്ന് മുക്തനായി മെറീനോ വീണ്ടും ഫസ്റ്റ് ടീം പരിശീലനത്തിൽ സജീവമായി. ടിംബറും വൈറ്റും മാത്രമാണ് പരിക്കിനെത്തുടർന്ന് നിലവിൽ ടീമിന് പുറത്തുള്ളത്.

അതേസമയം, കൗമാരതാരം മാക്സ് ഡൗമാന്റെ അഭാവം പരിശീലനത്തിൽ ശ്രദ്ധിക്കപ്പെട്ടു. എന്നാൽ പരിക്കല്ല താരത്തെ ടീമിൽ നിന്ന് അകറ്റിയത്, മറിച്ച് പരീക്ഷകളാണ്. പതിനാറുകാരനായ ഡൗമാൻ ഇപ്പോൾ ജി.സി.എസ്.ഇ (GCSE) പരീക്ഷകളുടെ തിരക്കിലാണ്. പഠനത്തിന് മുൻഗണന നൽകേണ്ടി വന്നതിനാലാണ് താരം പരിശീലനത്തിൽ നിന്ന് വിട്ടുനിന്നത്.

ഫുട്ബോളും പഠനവും ഒരേസമയം മികച്ച രീതിയിൽ കൊണ്ടുപോകാൻ താരത്തിന് സാധിക്കുന്നുണ്ട്. വിവിധ ടൂർണമെന്റുകളിലായി തുടർച്ചയായി 17 മത്സരങ്ങളിൽ മാക്സ് ഡൗമാൻ ആഴ്സണൽ സ്ക്വാഡിന്റെ ഭാഗമായിരുന്നു. ലീഗ് കിരീടം ഇതിനകം ഉറപ്പിച്ചതിനാൽ, താരം ഇപ്പോൾ പഠനത്തിൽ ശ്രദ്ധ കേന്ദ്രീകരിക്കുന്നതിൽ തടസ്സങ്ങളൊന്നുമില്ല.